Maid-id nga ginapreparahan sang gobyerno probinsiyal sang Negros Occidental ang natalana nga pagbalik sa commercial operations sang airport kag seaports masunod nga semana.
Suno kay Gobernador Bong Lacson, may ipahamtang nga thermal scanner sa mga pwerto kag airport, agud makuhaan sang body temperature ang tanan nga mga nagaabot nga pasahero.
Dugang pa ni Lacson, ang sin-o man nagabatyag sang hilanat ang dapat nga ipaidalom sa isolation sa quarantine facility.
Pahayag sang gobernador, nga tinguhaan man sang probinsiya nga makuhaan sang swab test ang mga ini, kag contact numbers antis tugutan nga makapauli sa puluy-an kag pabal-on na lamang sang resulta paagi sa komunikasyon.
Sa Hunyo 8 ginalaoman ang pagbalik sang commercial operations sa Silay airport, samtang ginahulat pa ang anunsiyo kun magabalik man ang biyahe sang mga passenger vessels. | Aksyon Marlon Genovea