NEGROS OCCIDENTAL NADUGANGAN SANG 19 KA DRUG-CLEARED BARANGAYS

Share on facebook
Share on google
Share on pinterest
Share on twitter
Share on print
(PDEA 6 Photo)

Naglambot na sa 176 ka mga barangay sa probinsiya sang Negros Occidental ang gindeklarar bilang drug cleared barangay matapos nadugangan sang 19 kahapon nga adlaw, Hwebes.

Suno kay PDEA Negros head Nicholas Gomez, nagpatigayon sang deliberasyon ang Regional Oversight Committee kon diin, sa 50 ka mga barangay nga nag apply agud makabig nga drug cleared kag 19 ang nakapasar.

Dugang pa ni Gomez, sa pihak nga ang Negros Occidental ang may pinakadyutay nga barangay sa rehiyon 6 nga na deklarar nga drug cleared, dako na ini nga development.

Palayag ni Gomez, sila sa PDEA kag kaupod ang iban nga ahensya nga naga evaluate sang isa ka barangay ang nagapasiguro nga pasado kag wala na bisan isa ka drug pusher sa amo nga lugar.

Gina-engganyo naman ni Gomez ang luyag mag apply para sa Disyembre nga deliberasyon nga ipreparar na nila ang ila mga dokumento.

Ginapaabot ni Gomez nga mas madamo pa ang mga barangay diri sa probinsiya nga madeklarar bilang drug cleared sini nga tuig.  | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.