NEGROS OCCIDENTAL MAY 100 KA PENDING NGA COVID-19 RESULTS

Share on facebook
Share on google
Share on pinterest
Share on twitter
Share on print

Nakarecord sang “1st drop” ang Provincial Health Office gikan sa 10 ka adlaw nga sunod-sunod nga pagdamo sang record sang mga PUMs sa probinsiya.

Sa report nga ginhatag ni PHO Nurse Francis Christian Gupe sa virtual covid-19 update sg probinsiya, may yara sa karon sang 919 ka mga PUM samtang may 39 naman ka suspected cases.

Dugang pa ni Grupe sa kabilugan, may 322 na ka swab specimen ang ila ginpadala sa laboratoryo.

Sa nasambit nga record, 4 na diri ang ang positibo samtang 218 naman ang nagnegatibo nga ginbugusan sang 109 ka mga suspected cases, 30 ka PUMs, 11 ka close contacts, 67 ka healthcare workers kag 1 ka repeat test.

Sa karon suno kay Grupe may 100 pa ka resulta ang ginahulat nga ginalakipan sang 30 ka suspected cases, 5 ka PUMs, 54 ka close contact, 8 ka healthcare workers kag 3 ka repeat test. | Aksyon Eden Aboso

PROVINCIAL ADMINISTRATOR: MAY MGA NEGRENSE SA GIHAPON NGA WALA NAGAPATI SA BENEPISYO SANG COVID-19 VACCINES

May mga Negrense sa gihapon nga wala  nagapati sa benepisyo  sang COVID-19 vaccines.

Ini ang ginpahayag ni Provincial Administrator Atty. Rayfrando Diaz II.

Suno kay Diaz, ini nga mga persona ang residente sang banwa ukon syudad  nga may manubo  nga turnout ukon compliance sa vaccination program.

Dugang pa ni Diaz,  may mga local government units (LGUs)  man nga nagatinguha agud makombinsir ang ila  mga pumuluyo  agud  magpabakuna,  sa diin iban sa mga ini ang ginahatagan pa sang ayuda  nga bugas ukon pagkaon.

Apang  ginklaro ni Diaz  nga wala man ginapilit sang gobyerno probinsiyal ang mga wala sang gana sa pagpabakuna.

Sa karon  ginatutukan sang probinsiya  ang mga lugar   nga may  maayo  nga resulta sa implementasyon sang vaccination program, agud malab-ot ang ginatarget nga herd immunity. | Aksyon Marlon Genovea

POLICE STATION 9 NA AKTUHAN ANG MGA PAMATAN-ON NGA NAGPAMASYA SA MGA MOTORISTA SA BARANGAY SUM-AG

Ginkumpirmar sang kapulisan nga may grupo sang mga pamatan-on nga nagpang basya sang tubi sa mga motorista nga nagalabay sa taytay sang Barangay Sum-ag syudad sang Bacolod kadungan sang kapiestahan ni San Juan de Bautista, kaina sang udto, Hwebes.

Suno kay Police Station 9 Commander Police Major Ritchie Gohee, naga-inspeksiyon siya kag ang mga police personnel sang nakabaton sang tawag nga may mga kabataan nga may bitbit sang balde nga may unod sang tubi kag ginabasya sa mga naganilabay.

Ginrespondihan sang kapulisan ang lugar kag naaktuhan ang mga pamatan-on nga nagnilumpat sa suba matapos makita ang patrol sang kapulisan.

Kun madumduman, nagpagwa sang mando si Mayor Evelio Leonardia nga nagadumili sang basyahanay sang tubi kag iban pa nga aktibidad may angut sa kapiestahan ni San Juan de Bautista.

Samtang, ginpahayag naman ni Gohee nga compliant ang mga resort kag restaurant owners sa Barangay Punta Taytay syudad sang Bacolod.

Samtang, lubos nga gin pasalamatan ni Task Force Disiplina Action Officer Wilfredo Taba Geolingo ang gin pakita nga kooperasyon sang publiko angut sa selebrasyon sang ka piyestahan ni San Juan de Bautista.

Suno kay Geolingo, base sa ila gin patigayon nga operasyon kag monitoring sa mga beach resort lakip na sa mga kapehan kag kalan-an sa Barangay Granada kag Alangilan, gin klaro sini nga wala sila sang nakita nga ano man nga bayolasyon.

Dugang pa ni Geolingo, may yara gid man sang pila ka mga kabataan ukon mga menor de edad nga ila gin saway matapos magpaligo sa baybay ilabi na sa mga Barangay nga may yara sang nasakupan nga coastal area, apang ini nga concern ang ila gilayon naman nga gin aktuhan paagi sa pagpalab-ot sa atensyon sang natungdan nga mga ginikanan.| Aksyon John Diaz, Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.