NEGROS OCCIDENTAL KAG BACOLOD LIWAT NGA GIN PAIDALUM SA MODIFIED GCQ TUBTOB AGUSTO 31

Share on facebook
Share on google
Share on pinterest
Share on twitter
Share on print

Ginpalawig tubtub Agusto 31, 2020 ang implementasyon sang Modified Community Quarantine (MGCQ) sa bug-os nga Negros Occidental.

Ini ang nasaad sa duha ka pahina nga Executive Order (EO) 2036 series of 2020 nga ginpirmahan ni Governor Bong Lacson subong nga Agusto 15, 2020.

Suno sa EO, magalawig ang MGCQ tubtub alas 11:59 sang Agusto 31 sang gab-i.

Ginhatagan na sang kopya sang EO ang tanan nga mga Local Government Units kag opisyal sang barangay.

Liwat man nga ginpahanumdum sang EO ang mga penalidad nga igapatong sa sin-o man nga magasupak, ilabi na sa mga health kag safety protocols nga gin-isyu sang Department of Health, IATF-EID, kag iban pa nga mga ahensiya sang gobyerno.

Samtang, sa ikalima ng tion, gin palawig ni Bacolod Mayor Evelio Leonardia ang Modified GCQ quarantine status sang syudad umpisa Agusto 15 tubtob 31.

Ini ang base sa Executive Order No. 53 nga gin isyu sang Alkalde sang Agusto 15.

Nasaad sa E.O nga padayun nga ipatuman ang mga localized lockdowns sa tion nga may mga persona nga mag positibo sa Covid-19 sa isa ka lugar.

Naga pahanumdom man ang Alkalde sa mga vulnerable sectors nga mag home quarantine lakip na ang mga naga edad 21 anyos panubo, 60 anyos pasaka, may mga immodeficiencies, comorbidities kag iban pa nga health risks, kag naga busong.

Igapatuman sa gihapon ang curfew umpisa las 8 sang gab-i tubtob las 4 sang kaagahon kag ang liquor ban.

Maga sira man ang tatlo ka dalagko nga merkado sa Bacolod sa kada Dominggo nga adlaw para sa disinfection. | Aksyon Marlon Genove, Aksyon Dale Salazar

NEGROS OCCIDENTAL MAY 118 ACTIVE COVID-19 CASES

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

BABAYE PILASON SANG GINBUNO SANG LIMA KA BESES

Nakaangkon sang lima ka pilas ang isa ka babaye matapos ginbuno sa President Osmena Street, Don Juan Subdivision, Barangay 2, Syudad sang San Carlos.

Ang biktima ginkilala kay Angelou Olavia, 27 anyos, dalaga kag nagapuyo sa amo man nga lugar.

Base sang imbestigasyon sang San Carlos PNP, nagsulod sa compound sang boardinghouse ni Olavia ang wala makilala nga suspetsado kag sang ginpamangkot ini hinali lang siya nga gintapungol kag ginbuno.

Suno kay Olavia, mahimo sini makilala ang suspetsado kun liwat nga makit-an.

Padayon ginabulong sa hospital ang biktima kag gina-imbestigahan pa sang tul-id ang motibo sang pagbuno. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.