NEGOSYANTE PATAY MATAPOS GIN TIRO SA BACOLOD

Share on facebook
Share on google
Share on pinterest
Share on twitter
Share on print

Patay ang isa ka lalaki nga negosyante matapos nga gin tiro sa Narra Avenue, Capitol Shopping Center, sa syudad sang Bacolod takna las 5 sang hapon, Mayo 21.

Ang biktima ang gin kilala kay Roland Tan, legal ang edad kag tag-iya sang Crown Agri-Trading Corporation.

Gin pahayag sang mga tawo sa lugar nga masakay kuntane ang biktima sa iya salakyan sang ini ang gintiro.

Apat tubtob lima ka lupok ang nabatian sang mga tawo sa lugar.

Suno kay Police Major Reynante Jomocan, hepe sang Police Station 4, tatlo ang suspek nga naga suksok sang facemask kag naga lakat lamang matapos ang krimen.

Suno kay Jomocan, dead on arrival ang biktima sang gin dala sa Riverside Medical Center kag may lima ka igo sang pag tiro.

Lakip sa igo sang biktima amo sa tuo nga dulunggan kag dughan.

Gin-check pa sa karon sang kapulisan ang background sang biktima. | Aksyon John Diaz, Aksyon Dale Salazar

170K NGA GINAPATIHAN SHABU, NAREKOBER; SUSPEK, NAKAPALAGYO

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

NEGROS OCCIDENTAL MAY 118 ACTIVE COVID-19 CASES

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.