NDRRMC: 3 PATAY SA OMPONG

Share on facebook
Share on google
Share on pinterest
Share on twitter
Share on print

Ginkumpirmar sang National Disaster Risk Reduction and Management Council (NDRRMC) nga naka-record na sila sang tatlo ka casualties angut sa paglaslas sang bagyo Ompong.

Kalakip diri ang duha ka miembro sang rescue team sang gobyerno.

Magluwas diri, wala na sang ginpaguwa nga detalye ang NDRRMC samtang gina-verify pa ang pila ka mga impormasyon nga naga-abot sa ila talatapan sa Kampo Aguinaldo.

Nakalab-ot naman sa ahensya ang report nga may mga landslides nga nabalhag sa Benguet kag Baguio City kag pilit nila nga ginahibalo kon may nahalitan ukon napatay sa amo nga insidente.

Ginkumpirmar ni Baguio City Mayor Mauricio Domogan ang amo nga report angut sa landslides pero may kabudlayan ang pagpadulong sa lugar kag pagkuha sang nagakaigo nga mga impormasyon bangud sa mahuyang nga signal sang mga cellphones.

Ginkumpirmar naman ni Itogon Benguet Mayor Victor Palangdan nga isa ka pamilya nga may tatlo ka miembro ang natabunan sa landslide.

Nakaluwas ang amay sang pamilya pero napatay naman ang ila bata nga lalaki kag karon, subject sang rescue operation ang iloy sini.

May report man nga isa ka landslide ang natabu sa banwa man sang Itogon sa diin may isa ka tawo nga missing, nga suno sa report natabunan nga buhi.

Pahayag ni Mayor Palangdad nga apat sa mga ini ang naluwas na samtang ginapangita pa ang apat ka iban pa.

Samtang, nakig-angut naman ang NDRRMC sa nagkalain-lain nga ahensya sang gobyerno para sa inisyal nga kadamuon sang mga apektado nga pumuluyo.

Ginpahayag naman ni Communications Sec. Martin Andanar, nga kon makakuha sang go signal ang Malacañang sa Civil Aviation Authority of the Philippines, gilayon nga magakadto ang presidente sa lugar nga naapektuhan sang bagyo.

MORE STORIES:

LIKE US ON FB

error: Ooops... You are not authorized to copy this content.