NASAPWAN NGA BANGKAY SA BRGY MANSILINGAN, GINKILALA NA SANG PAMILYA

Share on facebook
Share on google
Share on pinterest
Share on twitter
Share on print

Nakilal an na ang nasapwan nga bangkay sa tunga sa kampo sang tubo sadtong sabado sang hapon, sa hacienda Inday Uya, boundary sang Barangay Mansilingan kag Vista Alegre. 

Sa imbestigasyon sang Police station 7, ang nasapwan ginkilala sa kay Genesis Zayco, 26 anyos kag pomuluyo sa Malvar Cubay, Barangay Villamonte, syudad sang Bacolod.

Ang utod nga babayi ni Zayco amo ang nagkilala sa iya, sang magkadto ini sa funeral parlor nga ginhayaan sang bangkay.

PRISO SA ESCALANTE PNP GINBAWIAN KABUHI SA HOSPITAL

Patay ang isa ka bilanggo sang Escalante City Police Station samtang ginabulong sa Vicente Gustilo District Hospital syudad sang Escalante.

Ang napatay ginkilala kay Radjie Yap , 20 anyos, residente sang Yolanda Homes, Barangay Washington, sa amo nga syudad.

Suno kay PLt Col. Gil John Despi, nabilanggo si Yap sadtong February 23, 2021 matapos gindakop sa kaso frustrated homicide.

May 6, 2021, ginpa check-up sa doctor si Yap matapos nakabatyag sang stomach pain, kag  kahapon (May 7, 2021) las 9:40 sang aga gin-confine sa ospital matapos nakaangkon sang inasod asod nga pagpalanakit sang tiyan.

Las 12:45 sang hapon ini gindeklarar patay samtang ginabulong sa ospital bangod sa acute respiratory failure. | Aksyon Alvin Grava

LALAKI, NAKUHAAN SANG MASOBRA 200K NGA BALOR SANG GINAPATIHAN SHABU

Masobra 200 mil ka pesos nga balor sang ilegal nga droga ang narekober sang mga kapulisan gikan sa isa kag gin-alegar drug pusher kag 3 pa ka iban sa buybust operation kahapon sa  Purok Bino, Brgy. Oringao, syudad sang Kabankalan. 

Ang subject sa operation ginkilala kay Jeffrey Cortez, 46 anyos, residente sang amo nga lugar.

Sa inisyal nga pahayag ni PLt. Jomel Salarda, DCOP sang Kabankalan City Police station, si Cortez ang nalista bilang Top 5 station level drug personality kag naaktuhan nga nagbaligya sang ilegal nga droga.

Narekober sa iya ang 5 ka dalagku nga platic sa sachet sang ginasuspetsuhan shabu ginabulubanta 35 gramos ang kabug-aton nga may dangerous drugs board value 238 mil ka pesos kag nakuha man sa iya ang 1 ka cal. 38 revolver.

Nadakapan man ang mga upod ni Cortez nga sanday Rene Gumarang, 36 anyos, Arnel Sarona 28 anyos lunsay nagapuyo sa  Purok, Paghidaet, Brgy. Tagukon kag

Joseph Eranes 53 anyos, residente sang Brgy. Poblacion, banwa sang Mabinay, Negros Oriental.

Narekober sa posisyon ni Gumarang ang 10 ka sang suspected shabu,  duha pa ka  plastic sachet sang suspected shabu kay Sarona, samtang narekober man kay Eranes ang duha ka transparent plastic sachets sang ginasuspetsuhan shabu.  | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.