NAPULO KA MGA GIN ALEGAR MIYEMBRO SANG NPA NA ENGWENTRO SANG ARMY SA SYUDAD SANG ESCALANTE

Share on facebook
Share on google
Share on pinterest
Share on twitter
Share on print

Duha ka mga katapo sang New People’s Army (NPA) ang gin alegar napatay sa engkwentro batuk sa tropa sang militar takna las dies (10am) kaina sang aga sa Puting Bato Barangay Washington syudad sang Escalante.

Sa interview sa Askyon BBB program kay 303rd Infantry Brigade Commander Benedict Arevalo, gina bulubanta nga yara sa napulo ka mga miyembro sang NPA ang na enkwentro sang tropa sa diin naglawig sang 15 minutos ang pag bayluhanay sang lupok

Dugang pa ni Arevalo, nag-withdraw ang mga katapo sang NPA bitbit ang ila duha ka mga kaupdanan nga nag kalamatay.

Antis natabo ang insidente naka baton sang report ang Philippine Army angut sa presensya sang NPA sa Puting Bato nga nahibaloan, isa ka coastal area.

Suno pa kay Arevalo, may paglagsanay nga nagluntad sa tunga sang militar kag NPA nga amu ang nangin rason kun nga-a gin-hold ang mga sibilyan malapit sa lugar agud mapasiguro nga indi makapalagyo ang grupo sang rebelde.

Wala naman sang casualties ukon napilasan sa bahin sang militar.

Ang amu nga operasyon ang ginbug-usan sang kapulisan, Special Action Force, 79th IB kag iban pa nga Law Enforcement Unit.

Angut diri, nagpanugyan naman si Arevalo sa mga pumuluyo sang Escalante nga indi magkabalaka sa natabo nga engkwentro, kag liwat man ini nga nag hinyo sang ila padayon nga suporta sa militar.

MORE STORIES:

LIKE US ON FB

error: Ooops... You are not authorized to copy this content.