NAMFED NAGPAGUWA RESOLSUYON KAG MAY PAANDAM SA ILA MGA MIEMBRO

Share on facebook
Share on google
Share on pinterest
Share on twitter
Share on print

Wala sang pahanugot halin sa National Alliance of Movements for Federalism (NAMFED) ang pagpanukot ni Weddy Libo-on sang ila mga miyembro sa Norte nga bahin sang probinsya. Suno kay Fortunato Pelaez Regional Operations Director Region IV sang NAMFED, nagpadangat sang reklamo sa ila talatapan ang pila na ka biktima nga kalabanan sa ila mga senior citizens. Dugang ni Pelaez, ginpasalig ni Libo-on, nga makabaton sang 120mil pesos kag livelihood ang mga naghatag sang 500 pesos kag 300 pesos. Angut sini, nagpapanaug sang resolusyon ang NAMFED nga nagakakas kay Liboon bilang pinuno sang amo nga grupo sa Norte nga bahin sang probinsya. Gin-abisuhan ni Pelaez ang publiko nga indi magpadala kay Liboon kon magpadulong sa ila panimalay kag mang-engganyo. Samtang, sa pihak naman nga bahin, lubos nga ginpanginwala Weddy Libo-on ang alegasyon ni Pelaez batuk sa iya. Suno kay Libo-on, ginbutang-butangan gid lamang siya sang sala sang iya kaupdanan sa grupo, bangud madamu ang iya mga miembro kumparar sa ila ni Pelaez. Nanindugan man ini nga wala siya iban nga katuyuan, kundi ang pagbulig kay Presidente Rodrigo Duterte nga mahatagan katumanan ang iya plano nga maligwat ang porma sang gobyerno pakadto sa Pederalismo. Dugang ni Libo-on nga sa Sabado, Setyembre 15, 2018, gilayon nga patigayonon nga paghinun-anon sa Bacolod City Public Plaza, apesar nga ginapamalabagan ni Perez bangud indi maka-abot ang bisita nga si Secretary Danny Lim nga amo ang chairman sang MMDA.

PROVINCIAL ADMINISTRATOR: MAY MGA NEGRENSE SA GIHAPON NGA WALA NAGAPATI SA BENEPISYO SANG COVID-19 VACCINES

May mga Negrense sa gihapon nga wala  nagapati sa benepisyo  sang COVID-19 vaccines.

Ini ang ginpahayag ni Provincial Administrator Atty. Rayfrando Diaz II.

Suno kay Diaz, ini nga mga persona ang residente sang banwa ukon syudad  nga may manubo  nga turnout ukon compliance sa vaccination program.

Dugang pa ni Diaz,  may mga local government units (LGUs)  man nga nagatinguha agud makombinsir ang ila  mga pumuluyo  agud  magpabakuna,  sa diin iban sa mga ini ang ginahatagan pa sang ayuda  nga bugas ukon pagkaon.

Apang  ginklaro ni Diaz  nga wala man ginapilit sang gobyerno probinsiyal ang mga wala sang gana sa pagpabakuna.

Sa karon  ginatutukan sang probinsiya  ang mga lugar   nga may  maayo  nga resulta sa implementasyon sang vaccination program, agud malab-ot ang ginatarget nga herd immunity. | Aksyon Marlon Genovea

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.