NAGTALIWAN NGA SENIOR CITIZEN GIN LUBONG SA MURCIA CEMETERY; RESULTA SANG SWAB TEST, PENDING PA

Share on facebook
Share on google
Share on pinterest
Share on twitter
Share on print

Ginkumpirmar ni Murcia Mayor Gerry Rojas nga ginlubong Byernes sang hapon, Mayo 8 sa Murcia Public Cemetery ang 63 anyos nga lalaki nga napatay samtang ginabulong sa Corazon Locsin Montelibano Memorial Regional Hospital (CLMMRH) sa syudad sang Bacolod.

Suno kay Rojas, ang ginlubong napatay sa sakit sa kidney kag community acquired pneumonia.

Ginpaathag ni Rojas nga gilayon ginlubong ang napatay basi sa polisa sang DOH nga dapat ilubong ukon i-cremate ang napatay sa sulod sang 12-oras.

Dugang pa ni Rojas, kumpleto sa personal protective equipment (PPE) ang mga naglubong kag nasiguro man nga naputos sang maayo ang napatay.

Ginpaidalom man sa swab test ang napatay pero ginahulat pa ang resulta.

Gin paidalum naman sa 14-dias nga quarantine ang mag-iloy sang napatay sa quarantine facility sang banwa.

Nagpasiguro ang alkalde sa mga pumuluyo nga wala sang dapat kabalak-an apisar nga ginlubong ang napatay sa public cemetery.

Magapahamtang man sang dugang nga manugbantay sa patyo ang alkalde kag ginaplano nga temporaryo dumilian ang pagduaw tubtob nga wala pa makagwa ang swab test. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.