Nabalaka ang mga nagabaligya sang karne sa Libertad Public Market diri sa siudad sang Bacolod sa posibilidad nga maubos ang mga kasapatan (livestocks) sa isla sang Negros bangod sa paglapta sang mga pangayaw nga kumprador sang mga kasapatan nagikan pa sa probinsya sang Cebu, Iloilo kag Manila.
Suno kay Romeo Baloyo, tiglawas sang Bacolod Meat Vendors Ass’n sang amo nga merkado naga damu na dire sa syudad sang Bacolod kag probinsya ang mga pangayaw nga kumprador sang karabaw, baka, kanding kag baboy agud baklon sa mas mataas nga presyo kag ginapadala sa tagsa sini ka mga probinsya.
Nahibaluan man ni Baloyo nga luyag sang mga kumprador ang mga buhi nga kasapatan gikan dire sa Negros bangod hilway ang aton mga kasapatan sa isyu sang Foot ang Mouth Disease.
Bangod sini, nagpanawagan si Baloyo sa lokal nga pangulohan nga i-regulate na ang pagbaligya sang mga livestocks sa mga pangayaw.