NAGA ANGKASANAY SA MOTORSIKLO PATAY MATAPOS NABUNGGUAN SANG CANTER TRUCK

Share on facebook
Share on google
Share on pinterest
Share on twitter
Share on print

Patay ang naga-angkasanay sa motorsiklo matapos aksidente nga nabungguan sang canter truck sa national highway, Purok Laroca, Brgy. Sta. Rosa, banwa sang Murcia kaina sang aga, October 5.

Ang mga napatay ginkilala nga sanday Christian Jade Tiansay, 31 anyos kag pomuluyo sang Barangay Anahaw, banwa sang Hinigiran kag ang iya backrider ginkilala naman sa kay Cherryl Maguad, 34 anyos kag pomuluyo sang Barangay 13, syudad sang Victorias.

Ang driver sang canter truck ginkilala naman sa kay Rogelio Endrina, 41 anyos tumandok sang Barangay Bago, banwa sang Salvador Benedicto kag nagapuyo San Julio Subd., syudad sang San Carlos.

Sa interview sa Aksyon Firing Line kaupod ni Aksyon Bryan Morden, ginpahayag Lt. John Paul Tabujara, Officer in Charge sang Murcia PNP, kargado sang pinya ang canter truck nga ginamaneho ni Endrina, halin sa banwa sang Salvador Benedicto padulong kon tane sa siyudad sang Bacolod sang aksidente nga nakakas ang nawala nga goma sa panguna nga salakyan kag nabunggoan ang mga biktima nga tuhay naman ang direksiyon.

Dugang pa ni Tabujara, antes pa natabo ang aksidente, una nga nag-overtake ang canter truck sa isa pa ka salakyan rason nga may kadasigon ang iya dalagan.

Samtang, naggwa man sa imbestigasyon nga nakit-an na sang driver sang motorsiklo ang napalos nga goma sang canter truck rason nga nagpondo ini apang wala sini ginpaabot nga nakalab ot pa sa ila ang salakyan.

Priso sa custodial facility sang Murcia PNP si Endrina samtang, ginahulat pa ni Tabujara ang desisyon sang pamilya sang mga napatay kon magpasaka sang kaso.

MORE STORIES:

LIKE US ON FB

error: Ooops... You are not authorized to copy this content.