MYEMBRO SANG TASK FORCE DISIPLINA NGA NAG TALIWAN NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Nag positibo sa COVID-19 ang 61 anyos nga lalaki nga miyembro sang Task Force Disiplina nga napatay nagligad nga Dominggo nga adlaw.

Suno kay Vice Mayor El Cid Familiaran, chair sang Task Force, kagab-i nag gwa ang resulta nga nag positibo sa masakit ang napatay nga nagatrabaho bilang POSO guard man sa Bacolod Government Center.

Ang napatay ang nasapwan nga wala na sang kabuhi sa sulod sang banyo sa ila nga balay kag gilayon nga gin kabig nga Covid-19 suspect.

Nag batyag ang napatay sang sintomas sang Covid-19 kaangay sang hilanat kag pag ubo. Bangud sini, gin abisohan ni Familiaran ang isa ka team sang task force sa diin ang napatay ang myembro, nga mag paidalum sa home quarantine.

Suno kay Familiaran, subong nga adlaw, Hwebes, nag balik na sa operasyon ang isa pa ka team sang Task Force sa pag panakop sa mga persona nga naga bayolar sang health protocol.

Sa nahibalan, Lunes tubtob Myerkules, suspendido ang operasyon sang duha ka Team sang Task Force bangud sa pag taliwan sang isa ka myembro. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.