MURCIA MAYOR ROJAS NAGPOSITIBO SA COVID-19

Share on facebook
Share on google
Share on pinterest
Share on twitter
Share on print

Ginkumpirmar ni Negros Occidental Provincial Administrator Atty. Rayfrando Diaz II nga nagpositibo sa COVID-19 si Murcia Mayor Gerry Rojas, Councilors Belen Magbanua kag Adrian Olimpo lakip na si anay konsehal Ruben Taneza. 

Suno kay Diaz, pagadal on sa quarantine facility sa Mambukal Resort sa nasambit nga banwa ang tanan nga mga opisyal nga nagpositibo sa virus.

Naggwa ang resulta sang mga nagpositibo subong nga hapon, Myerkoles. | Aksyon Marlon Genovea

BACOLOD GINA FINALIZE ANG PAGLIGWAT SA REGULASYON SA LIQUOR BAN

Gina tapos na lamang sang komitiba ang pag dihon sang Executive Order nga naga tuyo sa pag ligwat sang liquor ban nga regulasyon sa syudad sang Bacolod.

Suno kay City Legal Officer Atty. Joselito Bayatan, wala gid man sang dako nga pagbag-o sa amo nga regulasyon magluwas sa pag suspend sang gradual permission nga gin hatag sang syudad sa pila ka mga negosyante nga gin tugutan sa pag serbe sang ilimnon ilabi na sa mga hotel kag restaurant.

Dugang pa ni Bayatan, mahimo sa gihapon nga maka bakal sang ilimnon ang publiko apang base lamang sa gin talana nga tiyempo kag dapat patigayunon lamang sa sulod sang puluy-an kag indi sa pampubliko nga lugar.

Sa idalum sang existing nga regulasyon, pwede makaserbe kag makainom sa pila ka mga establisamento umpisa las 6 tubtob las 9 sang gab-i, samtang ginatugutan ang pagbakal sang ilimnon humalin las 12 sang udto tubtob las 6 sang gab-i pero mag inom sa pribado nga lugar. | Aksyon Art Tayhopon

17K NGA BALOR SANG SUSPECTED SHABU NAKUMPISKAR; SUBJECT SA BUY-BUST OPERATION, NAKAPALAGYO

Nakapalagyo ang subject sa buy-bust operation nga si Ronel Balaquet sa 1st Road Puentebella, Barangay Taculing syudad sang Bacolod, kaina sang hapon, Sabado.

Ang nakapalagyo ang nalakip sa drug watchlist sang Police Station 6 kag ginakabig street level individual.

Suno kay Police Major Leo Estopa, hepe sang Police Station 6, pila na ka reklamo ang ginpadangat batuk sa iligal nga aktibidad ni Balaquet.

Dugang pa ni Estopa, namutikan ni Balaquet nga pulis ang iya ka transaksyon kag nakapalagyo kasunod nga madamo sang exit ang ila compound.

Nabilin ni Balaquet ang isa ka pouch nga naga unod sang 10 ka sachet sang suspected shabu.

Kapin 17 mil ang balor sang ginapatihan shabu ang narekober sang Police Station 6.

MORE STORIES:

LIKE US ON FB

error: Ooops... You are not authorized to copy this content.