MUNICIPAL EMPLOYEE SA DSB NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Nagpositibo sa Covid-19 ang 36 anyos nga municipal employee sang Don Salvador Benedicto (DSB), Negros Occidental.

Ini ang isa ka lalaki nga residente sang Brgy. Bago DSB, kag ika-13 nga confirmed cases sang banwa.

Sa interview sang Aksyon Radyo Bacolod ginpahayag ni Mayor Laurence Marxlen Dela Cruz, ini nga empleyado ang gina quarantine sa pasilidad sang banwa, apang natalana nga pagasayluhon sa isolation facility sang Valladolid District Hospital, bangud sa padayon nga pagsuprer sang simtomas sang virus. 

Nobyembre 18 sang una nga nagbatyag sang simtomas ang empleyado, nagpa swab test sang Nobyembre 27, kag nagpositibo sa Covid-19 sang Desyembre 1.

Sa record sang DSB Municipal Health Office, ang mga lugar nga ginbisitahan sang empleyado antis magpositibo sa Covid-19 amo ang mga masunod :, puluy-an sini sa Brgy. Bago DSB, balay sang iya amay sa Murcia, balay sang iya iloy sa Poblacion, Murcia Public Market, kag Municipal Hall sang DSB.

Ginpatigayon na ang contact tracing.

Samtang, gin klaro sang Alkalde nga wala sang lockdown nga matabo sa munisipyo sang Don Salvador Benedicto, bisan pa nga nagpositibo sa Covid-19 ang isa sa mga municipal employee.

Suno sa alkalde, ang mga naka close contact lamang sang empleyado sa munisipyo amo ang ipaidalom sa swab test.

Dugang  pa ni Dela Cruz, magapadayon sa gihapon ang serbisyo sa municipal hall kag   wala man siya naka contact sa amo nga empleyado. | Aksyon Marlon Genovea

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.