MOTORSIKLO NAKABUNGGO SA NAKA PARKING NGA GARBAGE TRUCK; MAG LIVE-IN PARTNER, PILASON

Share on facebook
Share on google
Share on pinterest
Share on twitter
Share on print

Padayon ginabulong Corazon Locsin Montelibano Memorial Regional Hospital ang maglive-in partner matapos nakabunggo ang ginasakyan nila nga motorsiklo sa naga-parking nga garbage truck sang IPM sa dalan Araneta Highway, Barangay Tangub syudad sang Bacolod kagab-i, Hunyo 14.

Ang biktima ginkilala nga sanday Arquiles Carmona, driver sang motorsiklo, 27 anyos kag Jonalyn Balaes, 26 anyos live-in partner ni Carmona.

Nakaangkon sang pilas sa nagkalain-lain nga parte sang lawas si Carmona kag Balaes.

Suno kay Police Staff Sgt. Celerino Arrollado, traffic investigator sang Police Station 8, naga-parking sa atubangan sang IPM office ang garbage truck nga ginamaniho ni Atlas Salapante agod makuha sang trip ticket.

Nakibot na lang si Salapante sang makita nga ginbunggoan sang motorsiklo ni Carmona ang iya nga salakyan.

Suno kay Arrollado, nagapanimaho sang ilimnon si Carmona kag wala ini sang driver’s license.

Wala sang may ginasuksok nga helmet si Carmona kag Balaes sang matabo ang aksidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.