MOTORCYCLE RIDER PATAY SA AKSIDENTE SA BANWA SANG CAUAYAN

Share on facebook
Share on google
Share on pinterest
Share on twitter
Share on print
(Contributed Photo)

Patay ang driver sang motorsiklo matapos nakabunggo sa tricycle sa Highway sang Purok 2, Barangay Tiling, banw sang Cauayan las 7:30 sang kaina sang aga, Hwebes.

Ang biktima ginkilala kay Johnrey Canas, 25 anyos pumoloyo sang Purok Talamnan, Barangay Isio, samtang ang suspetsado ginkilala kay Donardo Mallorca, legal ang edad kag nagapuyo naman sa Purok 3, Barangay Tiling sa amo man nga banwa.

Suno kay PMaj Lowell Garinganao, hepe sang Cauayan PNP, nagasunod ang motorsiklo sa tricycle, apang gin-aligar nga hinali lang nga nag-u-turn ang tricycle kag nabungo-an sang motorsiklo.

Wala sang pasahero ang tricycle kag nagaisahanon naman ang driver sa motorsiklo.

Naka-angkon sang pilas sa ulo ang biktima kag gin bawian sang kabuhi sa hospital, samtang gin kustodiya naman sang kapulisan ang suspek. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.