MOTORCYCLE CLUBS KAG RELIGIOUS GROUPS MAY APILAR SA BACOLOD SA GCQ GUIDELINES

Share on facebook
Share on google
Share on pinterest
Share on twitter
Share on print

Nag apilar ang pila ka mga Motorcycle Club sa gobyerno sang syudad sang Bacolod nga tugutan ang mga naga angkasanay sa motorsiklo kon mag himata.

Suno kay Vice Mayor El Cid Familiaran, chairman sang Bacolod IATF, valid ang apilar sang mga motorcycle clubs bangud may mga mag asawa nga naga angkasanay nga naga upod man sa sulod sang balay.

Pero suno sa Bise-Alkalde, ang ini nga apilar ang isumiter sa National IATF para ini ang ma konsiderar.

Suno kay Familiaran, samtang wala pa ang sabat sang gobyerno nasyunal, ang kapulisan sa karon ang gin tugyanan nga mag-assess sa mga rason sang naga angkasanay sa motorsiklo.

Pero, naninduhan ang LTO Region 6 nga gina dilian ang angkas sa motorsiklo base man sa gin isyu sang gobyerno nasyunal nga Memorandum Circular No. 2020-2185.

Suno kay LTO-6 Spokesperson Riza Otayde, bisan nga madamo ang nagapakamalaot sa LTO, ini nga pagsulundan ang para sa ikamaayo sang tanan para masunod ang social distancing.

Ang LTO 6 ang magapatigayon sang information dissemination sa publiko para mahangpan kag masunod ang amo nga polisa.

Sa isa ka video message nga na post sa Bacolo PIO, gin pahayag ni Mayor Bing Leonardia nga tugutan ang mga mag-asawa nga naga angkas sa motorsiklo kon mag bakal sang essential goods ukon isa or duha sila ang mag trabaho.

Sa pihak nga bahin, gin pahayag man ni Familiaran nga nag pabutyag man ang pila ka religious organizations sa Bacolod nga tugutan sila nga mag patigayon sang ila aktibidad sa simbahan kasunod nga gin tugutan nga mag operar ang mall kag mga negosyo nga gina kadtuan man sang madamo nga tawo.

Suno kay Familiaran, gin palambot sa iya sang mga religious organization nga duha ka oras naga lawig ang ila aktibidad ikomparar sa mga mall kag iban nga industriya sang trabaho nga madamo sang empleyado nga naga operar sang kapin walo ka oras sa kada adlaw.

Sa idalum sang Executive Order No. 35 ni Mayor Bing Leonardia, tubtob lamang sa 10 ka persoan ang gina tugutan sa mass gathering.| Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.