Ginpamunuan ni Negros Occidental Governor Bong Lacson ang inagurasyon sang COVID-19 Molecular Laboratory sa banwa sang Valladolid subong nga adlaw, Lunes.
Sa mensahe sang gobernador, iya ginpasalamatan ang suporta kag kooperasyon sang mga lokal nga opisyal kag partners sa sektor sang ikaayong lawas agud matigayon ang pagtukod sang amo nga pasilidad.
Nagalaom si Lacson nga ini ang makabulig padasig sa mga ginapagwa nga resulta sang swab test kag pag detect sang COVID-19 infection.
Gintukod ang amo nga laboratoryo paagi sa’ joint effort’ sa Manila-based company nga Safeguard Diagnostics.
Ini nga kumbuyahan amo ang magasuplay sang tanan nga kagamitan, samtang ang gobyerno probinsiyal amo naman ang nagasto sa pagpatukod sang laboratoryo.
Ini na ang ikaduha nga molecular laboratory sa Negros Occidental, sunod sa Teresita Lopez Jalandoni Provincial Hospital syudad sang Silay. | Aksyon Marlon Genovea