MISSING NGA PWD NALUMOS SA KABANKALAN

Share on facebook
Share on google
Share on pinterest
Share on twitter
Share on print

Patay ang isa ka Person With Disability matapos nalumos sa suba sang Prk. 2, Brgy Linao, syudad sang Kabankalan kahapon nga adlaw, Hulyo 14.

Ang biktima ginkilala kay Rena Mae Rapiosa, 22 anyos nagapuyo sa Brgy 1 sang amo nga syudad.
Sa inisyal nga pagpangusisa ni Police Executive Master Sgt Ricky Toledo sang Kabankalan PNP, positibo nga ginkilala sang pamilya ang bangkay ni Rapiosa, matapos nahibaluan nga nadula ini hamalin pa sang tinalikdan nga Domingo(July 12, 2020).

Ang bangkay ni Rapiosa nahaya karon sa Sola Gracia Funeral Homes.

Nagapadayon pa ang imbestigasyon sang mga kapulisan agud hibaluon kung may foul play sa amo nga insidente. | Aksyon Alvin Grava

TATLO KA MGA OPISYAL NGA NAKATUPAD NI GOV LACSON SA ANTI DRUG SUMMIT, NEGATIBO SA COVID-19

Negatibo sa Covid-19 ang tatlo ka mga opisyal nga nakatupad ni Governor Bong Lacson sa Provincial Anti-Drug Summit syudad sang Bacolod sang Biyernes Enero 22, 2021.

Ini ang gin anunsiyo sang gobernador subong nga adlaw, kasunod sang iya pagpa swab test sa Teresita L. Jalandoni Provincial Hospital sa syudad sang Silay.

Ang tatlo amo sanday DILG Negros Occidental OIC Provincial Dir. Roselyn Quintana, Asst. Reg’l. Dir. Maria Calpiza Sardua, kag Liga ng mga Barangay Pres. kag Neg. Occ. Board Member Juvy Pepello. 

Sila kag si Lacson ang kalakip sa mga opisyal nga close contacts sang DILG Iloilo official nga nagpositibo sa Covid-19 kag nagtambong man sa summit.

Suno sa gobernador, mahibaluan ang resulta sang iya swab test karon sa gab-i kag nagalaom nga magnegatibo agud makabalik sa gilayon sa pagreport sa kapitolyo probinsiyal.

Dako ang pagsalig ni Lacson nga siya ang mag negatibo, bangud wala man sang sintomas nga ginabatyag.

Si Lacson ang nagpaidalom sa self-isolation umpisa kahapon Enero 26.

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.

MORE STORIES:

LIKE US ON FB

error: Ooops... You are not authorized to copy this content.