MENU

MISSING NGA MANGINGISDA SA BANWA SANG ILOG, PADAYUN PA NGA GINA PANGITA

  • at 6:53 pm
Share on facebook
Share on pinterest
Share on twitter
Share on print

Nagapadayon pa ang search and Rescue operation sang Philippine Coast Guard sa agud makita ang missing nga mangingisda matapos nag kulob ang motorbangka sa baybayon sang Barangay 1, banwa sang Ilog tinalikdan nga Martes.

Ang biktima amo si si Isagani Avansenia, 32 anyos, naga puyo sa Brgy Bocana, sa amo nga banwa. Suno Kay PCG Negros Occidental Commander Jansen Benjamin, paagi sa gintingob nga pwersa sang coast guard personnel, bantay dagat kag rescue team sang Himamaylan, Ilog kag Cauayan liwat gin-umpisahan ang search and rescue operations.

Nagapati si Benjamin nga buhi pa si Avancenia kag posible nakauyat sa gallon kag iban pa nga floating materials.

Madumduman nga sang tinalikdan nga Martes, ginhampak sang mabaskog nga balod kag nagkulob ang motorbangka nga ginasakyan sang mag-utod.

Naluwas sa amo nga insidente ang magulang sini nga si Ivar Avansenia. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

PAGDEKLARAR SANG STATE OF CALAMITY SA NEG OCC, GINPANGABAY SANG UNIFED

April 19, 2024

Gin-apelar ni United Sugar Producers Federation (Unifed) President Manuel Lamata, kay Governor Bong Lacson , Vice Governor Jeffrey Ferrer kag mga Provincial Board Members nga magdeklarar sang state of calamity sa Negros Occidental.

Suno kay Lamata, isa ini sa mga pamaagi para makabakal sang kaugalingon nga eroplano ang gobyerno probinsiyal agud usaron sa cloud seeding operations.

Dugang ni Lamata, nga nagakinahanglan na subong sang tubig ang mga katubuhuan nga apektado sang El Niño phenomenon.

Una diri ginpangabay ni Fifth District Cong. Dino Yulo ang Bureau of Soil and Water Management (BSWM) nga i-reassess ang ila desisyon nga nagapamatuk sa cloud seeding bangud sa kakulang sang seedable clouds kag posible kahalitan sa mga kapahuan sa San Carlos kag Guimaras.

What’s your Reaction?
+1
0
+1
0
+1
0
+1
0
+1
0
+1
0
+1
0

SALAKYAN NGA GINKAKASAN SANG LGU LOGO KAG GINPULI SANG BTAO HEAD, NABALIK NA

April 19, 2024

Nabalik na ni BTAO Head Patrick Lacson ang isa ka bag-o nga salakyan sa idalum sang MABB Cab system nga nakuhaan sang litrato nga naka park sa gwa sang iya balay kag ginkuha ang logo sang syudad.

Una nga gin post ang litrato sang Toyota Avanza sa Bacolod Exposed FB private group nga kabahin sang 10 nga ginbakal sang LGU para sa MABB Cab.

Sa phone patch interview, Biernes, ginpahayag ni Lacson, nga isa ka adlaw kag tunga naglawig ang salakyan sa iya kag nagpadala na ini sang letter of apology kay Mayor Albee Benitez.

Pero ginpaathag ni Lacson, wala ini sang malain nga intensyon kag may yara lamang sang miscommunication nga natabo.

Ginpaathag ni Lacson, November 2023, may mitsubishi adventure nga gin detail ang LGU sa iya bilang BTAO Head pero may pangabay man sa LGU sang patrol car para sa ila operasyon. Suno kay Lacson, gin-convert sini pakadto sa patrol car ang gintugyan sa iya nga salakyan.

Dugang pa sang BTAO Head, nakalab-ot sa iya ang impormasyon nga sa 10 ka bag-o nga salakyan, lima lamang dire ang naga operate bangud sa kakulang sang regular nga driver.

Suno pa kay Lacson, iya ginkakas ang logo ka LGU sa salakyan bangud ini ang iya gina usar sa monitoring sang mga traffic enforcers kon nagatrabaho ukon wala.

Nag isyu naman si City Legal Officer Atty. Romeo Carlos Ting Jr. sang notice to explain sa BTAO Head. | Bacolod Exposed Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.