MIRANDA OPISYAL NA NGA NAG PUNGKO BILANG REGIONAL DIRECTOR SANG PRO 6

Share on facebook
Share on google
Share on pinterest
Share on twitter
Share on print

Opisyal na nga nagpungko bilang bag-o nga Regional Director sang Police Regional Office 6 si Police Brigadier General Rolando Miranda matapos ginbuslan sini si Police Brigadier General Rene Pamuspusan.

Suno kay PLt.Col. Joem Malong, spokeserson sang PRO 6, matapos ang isa ka tuig kag lima ka bulan nga serbisyu ni Pamuspusan sa rehiyon sais, ini naman ang magabalik na sa kampo Crame kag magaserbi bilang Directorate for Plans sa PNP national headquarters.

Si Miranda ang nagradwar sa PMA Class 1990 kag nangin Chief Directorial Staff sadto sa NIR PRO 18.

Nagserbi man ini bilang Deputy Regional Director for Operation sa Region 8 antis napromote bilang Brigadier General. Si Miranda ang nangin District Director man sang Manila Police District.

Nangin aktibo man si Pamuspusan sa iya kampanya tokhang kontra armas luthang kag madamo pa nga iban.

Dugang pa ni Malong, isa sa pinasahe nga himuan ni Pamuspusan ano ang paghino sang Regional Joint Legal Action Team, isa legal arm sang mga kapulisan kag Militar sa kampanya para sa  insurhensya agud nadula ang “local communist armed Conflict”.  

Sa eklusibo nga interview sang Aksyon Radyo Bacolod kag Miranda, plano sini nga mapabakod ang programa sang PNP ilabi na sa pagpakig-away kontra ilegal nga droga kag krimimalidad. 

Dugang pa ni Miranda iya man pagatutukan ang internal cleansing kag mandatory drug testing sa hanay sang kapulisan.

Isa sa mga programa nga igapatuman ni Miranda amo ang away kontra Covid-19 agud maproteksyonan ang mga pumoloyo ilabi na ang pamilya kag kabuhi sang iya  kapulisan. | Aksyon Alvin Grava

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.