MENU

MIEMBRO SANG PH COAST GUARD ARESTADO SANG NAGPALUPOK SANG ARMAS LUTHANG

  • at 7:56 pm
Share on facebook
Share on pinterest
Share on twitter
Share on print

Arestado ang isa ka miembro sang Philippine Coast Guard (PCG) nga na destino sa banwa sang Hinobaan matapos nagpalupok sang iya armas luthang sa Mambukal Resort sa Barangay Minoyan banwa sang Murcia las 4:20 sang hapon, Enero 4.

Ginkilala ang gin-aresto kay Sergeant Jomar Bandiola, 37 anyos sang Barangay Progreso banwa sang Binalbagan.

Suno kay Major Robert Dejucos, hepe sang Murcia PNP, nakainom sang makahulubog nga ilimnon ang suspek sang iya napalupok ang issued firearm nga Remington calibre 45 pistol sang isa ka bes nga nag tuga sang kahadlok sa mga tawo sa lugar.

Suno kay Dejucos, base sa mga saksi, sa babaw ginpalupok ni Bandiola ang iya armas apang sa alegasyon sang suspetsado, nag igo lang ini sa duta. Wala naman sang may nasamaran sa amo nga insidente.

Priso karon sa custodial facility sang Murcia PNP si Bandiola kag natalana nga pasakaan sang kaso nga angut sa alarm and scandal kag illegal discharge of firearms.

What’s your Reaction?
+1
0
+1
0
+1
0
+1
0
+1
0
+1
0
+1
0

DUGANG NGA LOTE GIN AWARD SA MGA RESIDENTE SANG BARANGAY 12

April 17, 2024

Nagsaka na sa 35 ka mga informal settler families (ISF) sa Barangay 12, syudad sang Bacolod ang nakabaton sang award sang lote sa Progreso Village Relocation Site sa Barangay Vista Alegre.

Ginpahayag ni Ma. Christina Samonte, housing and homesite regulations officer V sang BHA Bacolod, may 16 ka ISF nga ma apektuhan sang redevelopment project sang Manokan Country ang nalakip sa ikaduha nga batch nga na- awardan sang relocation site.

Sa karon, may tatlo pa ka mga bag-o nga application gikan sa gihapon sa Barangay 12 ang gin sumiter sa BHA.

Ginpaathag ni Samonte, kadamo sang mga dokumento ang ginasumiter sa ila opisina sang mga ISF kaangay sang BIR, DENR, National Housing Authority, PAGIBIG kag iban pa nga ginalantaw naga pa delay sang application.

Sa nahibaluan, ang mga lote nga gina award sa mga ISF sa karon ang mga ginpangbawi sang LGU bangud wala gin istaran sang malawig nga tion.

Sa record sang BHA, may 64 ka mga ISF sa Barangay 12 ang kwalipikado nga makabaton sang relocation site.

What’s your Reaction?
+1
0
+1
0
+1
0
+1
0
+1
0
+1
0
+1
0

TEMPORARY STALLS SANG MANOKAN COUNTRY GINAPAABOT MATAPOS SA KATAPUSAN SANG MAYO 2024

April 17, 2024

Sa katapusan sang Mayo 2024 ginapaabot ni Councilor Celia Flor nga makasaylo na ang mga tenant sa Manokan Country sa ila temporaryo nga balaligyaan sa parking lot sang SM City Bacolod.

Ginpahayag ni Flor, chair sang committee on market, natalana pa ini nga magsapol sa mga tenant sa masunod nga semana bangud may pila ka mga concern sa ila nga temporary stalls.

Suno kay Flor, luyag sang mga manokan nga sila mismo ang magapatakod sang ila linya sang kuryente kag tubig kag indi na maglabay pa sa SM.

Sa temporary stalls, wala sang renta nga pagabayaran ang mga tenant samtang ginatukod ang bag-o nga manokan country nga magalawig sang 18 ka bulan.

Suno sa Konsehal, nalakip pa sa concern sang mga tenant amo ang magamay nga lugar.

Damlag lang, ginbisita ni Flor ang padayon nga pagtukod sang temporary stalls sa SM.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.