Ginpanugyan ni Negros Occidental Governor Bong Lacson sa mga syudad sang ikatatlo nga distrito nga magpaninguha agud makaangkon sang kaugalingon nga dredger, agud makapatigayon sang sige sige nga dredging operation sa mga kasubaan.
Ini ang mensahe sang gobernador, kadungan sa paglansar sang Maintenance Dredging Project sa Carugiat Creek, Malihaw, kag Magnanod Rivers syudad sang Victorias.
Ginpatigayon ang dredging activities paagi sa Department of Public Works and Highways (DPWH) National Equipment Management Division – Floating Equipment Division.Ginpangibulahan man sang gobernador ang mga opisyal sang syudad labi na ang Local Chief Executive kag DPWH, sa madasig nga pagresponder sa mga naapektohan sang baha.
Samtang ginpahanumdum naman ni Third District Cong. Kiko Benitez sa mga pumuluyo, nga tipigan ang palibot ukon dunang manggad bangud mga tawo man ang maapektohan sa ulihi, sa anu man nga malain nga ginahimo, labi na sa mga sapa ukon kasubaan. | Aksyon Marlon Genovea