PLANTERS MAKIGSAPOL KAY PRES DUTERTE

Share on facebook
Share on google
Share on pinterest
Share on twitter
Share on print

Makigsapol kay Pres. Rodrigo Duterte sa Malakanyang (buwas nga adlaw) ang mga sugar planters sang Negros Occidental, may kaangtanan sa plano nga pag-import sang kalamay. Ini ang gin-anunsiyo ni Governor Alfredo Marañon Jr., matapos makig-estorya sa iya sa kapitolyo probinsiyal ang grupo sang mga plantadores sa pagpanguna ni National Federation of Sugarcane Planters head Enrique “Nene” Rojas. Suno sa gobernador, isa man siya sa mga nagapamatuk sa plano nga importasyon bangud ini ang maka-apekto sa industriya sang kalamay. Base sa rekomendasyon sang mga economic managers ni Pres. Duterte, luyag nila nga mag-import sang kalamay halin sa iban nga pungsod, bilang pamaagi agud mapahagan-hagan ang epekto sang 6.4% nga inflation rate sadtong bulan sang Agusto.

PDEA: SIYAM KA DRUG GROUP LEADERS AKTIBO NGA NAGASUPLAY SANG DROGA SA BACOLOD KAG NEGROS OCCIDENTAL

Ginkumpirmar ni PDEA Negros Occ. Head, Nicholas Gomez, nga 9 ka mga drug group leaders ang aktibo nga nagasuplay sang ilegal nga droga sa syudad sang Bacolod kag Probinsya.

Sa interview sang Aksyon Radyo Bacolod kay Gomez, ginpahayag sini nga isa si Michael Divinagracia sa 9 ka mga drug group lider nga nagpanago kag napatay sa probinsya sang Rizal.

Dugang pa ni Gomez, nahibaluan sang ila ahensya ang ngalan sang 8 pa ka mga lider paagi sa rebelasyon sang mga nagkaladakpan sa buy-bust operation.

Kaangay sang istilo sadto ni Michael Divinagracia kag sang grupo sini, naglaylo kag ginpili sang mga drug group lider nga magpalayo sa syudad kag magtiner sa Luzon agud indi makita sang otoridad.

Ginpahayag ni Gomez ang bag-o nga istilo sang mga ilegalista, ina amo ang pagkuha sang bag-o nga drug personality nga ginahimo bilang bagsakan sang ilegal nga druga. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.