MGA RESIDENTE SANG ESCALANTE CITY NGA MAG GWA SA SYUDAD KINAHANGLAN MAG PRESENTAR SANG TRAVEL PASS

Share on facebook
Share on google
Share on pinterest
Share on twitter
Share on print

Kinahanglan nga magpresentar sang travel pass ang mga residente sang syudad sang Escalante Negros Occidental, antis tugutan nga makabiyahe pagwa sa syudad.

Ini ang ginmando ni Mayor Melecio Yap Jr. sa Executive Order nga iya gin-isyu sadtong Hulyo 28, 2020.

Suno sa alkalde, ini nga travel pass ang dapat iisyu sang barangay, sa diin nasaad ang petsa, tinutoyo sang biyahe, kag kumpleto nga address sang destinasyon.

Ini ang ipresentar sa checkpoint ukon terminal antis magbiya sa syudad.

Ang tanan nga mga essential workers nga naga guwa sulod sa syudad, ang kinahanglan nga magpresentar sang company ID ukon certification of employment.

Ini ang kabahin sa ginpatuman nga protocol sang syudad, para mapungan ang local transmission sang Covid-19.

Samtang, ginhugtan pa sang lokal nga panguluhan sang Escalante ang protocol nga dapat sundon sang mga motorista nga nagagwa sulod sa syudad, agud malikawan ang local transmission sang Covid-19.

Sandig sa Executive Order ni Mayor Yap., tanan nga PUV ang dapat nga magsumiter sang passenger manifest sa checkpoint, samtang ang mga non-resident individuals nga pasahero sang PUV ang kinahanglan nga may barangay certificate gikan sa ginhalinan nga lugar.

Ang mga non-resident individuals nga nagamaneho sang pribado nga salakyan, ang dapat man magpresentar sang brgy. certificate, kag isyuhan sang color-coded flaglet ukon sticker ang salakyan bilang indikasyon kun diin ang padulungan nga lugar.

Kun delivery ang tuyo sang biyahe kag kinahanglan nga mag-overnight sa syudad, irequire ang driver kag helper sini nga magtener sa quarantine facility. | Aksyon Marlon Genovea

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

MORE STORIES:

LIKE US ON FB

error: Ooops... You are not authorized to copy this content.