MGA QUARANTINE FACILITY SA BACOLOD NAKAHANDA NA SA PAG ABOT SANG MGA LSI SA OKTUBRE 1 – COUNCILOR NOVERO

Share on facebook
Share on google
Share on pinterest
Share on twitter
Share on print

Nakahanda na ang mga quarantine facility sang syudad sang Bacolod para sa maga abot nga mga Locally Stranded Individuals (LSIs) kag Returning Overseas Filipino (ROFs) umpisa Oktubre 1, kadungan sa pag paidalum sa syudad sa GCQ.

Suno kay Councilor Renecito Novero, chair sang Quarantine Center Action Team sang Bacolod, indi karon overwhelmed ang quarantine facilities sang syudad kag may yara sang available rooms para sa mga LSIs kag ROFs.

Naga laum si Novero nga pag abot sang Oktubre 1 nga mangin rational ang pagpauli sa mga LSIs kag ROFs kasunod nga indi man mabalibaran sang syudad ang mga ini.

Suno kay Novero, padayun sa karon ang pag trabaho sang dugang nga mga public school nga iga convert bilang quarantine center.

Samtang, gin pahayag ni Councilor Israel Salanga, chair sang Action Team on Returning OFWs, nga maga padayun man ang pag baton sang syudad sa mga maga pauli nga OFWs sa idalum sang GCQ.

Sa nahibaluan, nga protocol sang syudad nga ang mga OFWs nga may negative result na sa ila port of origin kag asymptomatic ang ipaidalum na sa home quarantine.

Samtang, nag padala sang sulat ang LGU paagi kay City Councilor Cindy Rojas nga naga pangabay kay Governor Bong Lacson nga handa ang syudad nga mag baton sang mga LSI umpisa Oktubre 1.

Si Rojas ang naga serbe nga Chair sang Action Team on Non-OFW Returning Residents sang Bacolod.

Nasaad sa sulat ni Rojas, nga 100% na ang capacity sang mga quarantine facilities sang syudad matapos nga gin patuman ang travel ban umpisa Septembre 8 tubtob 30 ukon sa tion sang MECQ.

Suno kay Rojas, gin pabalo siya ni Mayor Bing Leonardia nga base sa pag istorya sini sa telepono upod si Lacson, nag pabutyag ang gobernardor nga handa kag amenable ini nga tugutan ang pag sulod sang Bacolodnon LSIs sa probinsya paagi sa Bacolod Silay Airport.

MORE STORIES:

LIKE US ON FB

error: Ooops... You are not authorized to copy this content.