MGA PUMULUYO SANG PUROK FIRE, BRGY. 8 NAG RALLY PARA IPANAWAGAN ANG ‘RIGHT OF WAY’ SA BFP

Share on facebook
Share on google
Share on pinterest
Share on twitter
Share on print

Masobra 30 ka mga pumuluyo sang Prk. Fire Brgy 8, syudad sang Bacolod ang nagrally sa atubang sang Bacolod City Fire Department subong nga adlaw, Hwebes.

Suno kay Kurt Sona, Purok President sang amo nga lugar, nagapangabay ang mga residente kay Bacolod City Fire Marshal Chief Insp. Publio Boboy Ploteña nga abrehan ang pader kag hatagan sang “right of way” ang mga pumuluyo nga nagatiner sa likod sang ila talatapan.

Nagapangabay man ang mga pumoloyo sa panguluhan ni Mayor Bing Leonardia nga magpatunga sa sini nga problema.

Ginklaro ni City Fire Marshal Publio Boboy Ploteña nga ang Bureau of Fire Protection National Headquarters gid lamang ang makadesisyon angut sa ginapangayu nga “right of way” sang mga pumoloyo sang Prk Fire, Brgy 8.

Suno kay Ploteña, ang compound sang Bacolod City Fire Department ang ginapanag-iyahan sang BFP National Office kag si BFP Chief Dir. Gen. Jose Embang gid lamang ang may daku nga papel sa pagdesisyon.

Ginklaro man ni Ploteña nga may 3 pa ka mga alagyan ang pwede magamit bilang entrance kag exit sang mga pomoloyo, isa sa sa kilid sang ila opisina nga nagaatubang sa dalan San Juan samtang duha pa sa likod nga naga atubang sa Reclamation area. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.