MGA PUMULUYO, GINA ENGGANYO NGA MAG DONATE SANG DUGO SA PHILIPPINE RED CROSS

Share on facebook
Share on google
Share on pinterest
Share on twitter
Share on print

Gina-engganyo sang Philippine Red Cross Negros Occidental-Bacolod City Chapter ang pumuluyo nga indi magkahadlok nga mag-donate sang dugo tungod dako ini nga bulig sa mga nagakinahanglan.

Suno kay Eloisa Marie Liza, donor recruitment officer sang PRC, nag dyutay ang mga naga donate sang dugo halin sang nag umpisa ang covid-19 pandemic.

Dugang pa ni Liza, indi man makadali-dali nga makapatigayon sang blood letting activity bangud wala ginapahanugutan ang social gathering.

Palayag pa ni Liza, nubo ang suplay sang dugo sa ila ahensya apang amo lang sa gihapon ang demand sini ilabi na sa mga pasyente nga gina dialysis.

Gina-imbitar ni Liza ang pumuluyo nga makigbahin sa patigayunon nga blood donation activity sa maabot nga Setyembre 22 kag 29 las dos tubtob las kwatro sang hapon sa Barangay Montevista Gym.

Ila ginapasiguro nga hilway sa virus ang ila mga personnel nga naka-full gear PPE subongman ang lugar nga patigayunan sang nasambit nga aktibidad.

MORE STORIES:

LIKE US ON FB

error: Ooops... You are not authorized to copy this content.