MGA PULIS SA BACOLOD, APEKTADO SA PALAYAG SANG PRESIDENTE SUNO KAY BIÑAS

Share on facebook
Share on google
Share on pinterest
Share on twitter
Share on print

Gin aku ni Officer-in-Charge sang Bacolod City Director Senior Supt. Henry Biñas nga apektado ang mga personnel sa Bacolod bangud sang anunsiyo ni Presidente Rodrigo Duterte nga lima sa matag-as nga opisyal sang police sa syudad ang imbolbado sa operasyon sang iligal nga droga.

Una diri, ginhingadlan sang presidente sanday Bacolod City Director Senior Supt. Francisco Ebreo, BCPO Deputy City Director for Administration Supt. Allan Macapagal, BCPO City Mobile Force Company head Supt. Ritchie Yatar, anay hepe sang Police Station 3 Senior Inspector Victor Paulino kag Supt. Nasruddin Tayuan nga nadestino na sa Police Regional Office 12.

Suno kay Biñas, ginatugyan na sini sa PNP Higher Command ang pag-usisa sang amu nga kaso.

Ginpasiguro man ni Biñas, wala sang dapat kabalak-an ang publiko sa pihak sang kontrobersyal nga anunsiyo sang Presidente tungod indi ini balasehan nga mag untat ang ila trabaho.| Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.