MGA PULIS NGA MAGA BANTAY SA MASSKARA FESTIVAL, NAG ABOT NA

Share on facebook
Share on pinterest
Share on twitter
Share on print

Nag-abot na kaina sang aga sa Bacolod City Police Office Headquarters ang 600 ka police personel halin sa Police Regional Office 6 para sa Masskara festival.

Suno kay Bacolod City Police Office Deputy City Director for Administration Police Lt. Col. Ariel Pico una ini nga batch sa 1,600 nga ipadala sang PRO 6.Umpisa subong nga adlaw ipahamtang ang 600 ka police Public Plaza, New Government Center kag Carnaval Rides sa Reclamation Area.

Tuyo sang gin-augment nga mga Police amo nga pabakuron ang anti criminality campaign, check-point operation, no plate no travel policy kag dakpon ang wala lisensya nagadala sang salakyan.

Suno kay Pico may routine inspection ang kada task force unit agod ipasiguro nga ginatrabaho sang mga ginpahamtang nga police ang ila obligasyon.

Sa lunes patigayonon ang send-off ceremony sa Bacolod City Public Plaza ukon sa New Government Center, kadungan sa pagbukas pormal sang masskara festival. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.