Epektibo Desyembre 28, 2018, pagabalasahon ang mga Provincial Election Supervisors sa Western Visayas, masobra tatlo ka bulan ang nabilin antis ang Mayo 13, 2019 nga midterm elections.
Ini ang masami nga gina-implementar sang Commission on Elections, agud malikawan ang anu man nga akusasyon ukon duda nga may ginasuportahan nga kandidato ang mga natungdan nga election supervisors.
Si Atty. Jessie Suarez sang Negros Occidental ang sayluhon sa Capiz, bulos kay Wil Arcenio nga sayluhon naman sa Antique.
Si Roberto Salazar sang Antique ang igasaylo sa Iloilo bulos kay Elizabeth Doronila nga sayluhon naman sa Aklan.
Si Ian Lee Ananoria sang Aklan ang igadestino sa Guimaras bulos kay Ma. Salud Villanueva.
Si Villanueva ang igasaylo naman sa Negros Occidental.