MGA PERSONA SA WESTERN VISAYAS NGA MASULOD SA BACOLOD INDI NA PAG I-REQUIRE SANG SWAB TEST KAG HOME QUARANTINE

Share on facebook
Share on google
Share on pinterest
Share on twitter
Share on print

Indi na pag i-require sang LGU sang Bacolod ang mga persona gikan sa Western Visayas nga mag sulod sa syudad sang swab test kag 14-day home quarantine.

Ini suno kay Vice Mayor El Cid Familiaran, chairman sang Bacolod IATF, kasunod sang damlag lang pag sinapol upod si Mayor Bing Leonardia upod ang iban nga mga opisyales angut sa protocol nga ipatuman sa pag balik sang sea travel.

Una na nga gin kasugtan ni Leonardia kag Iloilo City Mayor Jerry Treñas ang unhampered travel sa mga residente sang duha ka mga LGUs.

Sa interview sang Aksyon Firing Line, gin pahayag ni Familiaran, sa tion nga mag abot naman ang Locally Stranded Individual (LSI) gikan sa iban nga lugar, sila ang ipaidalum sa swab test kag i-evaluate sang City Health Office kag Barangay ang ila nga balay kon bala pwede sila maka home quarantine.

Gin paathag ni Familiaran, kon indi matuman ang istrikto nga home quarantine, ang LSI ang dal-on sa quarantine facility sang syudad.

Gin klaro ni Familiaran nga indi cover sang sini nga polisa ang mga returning OFW.

Natalana si Mayor Bing nga mag papanaug sang pormal nga guidelines sa pagpatuman sang sini nga polisa. | Aksyon Dale Salazar

PRISO SA ESCALANTE PNP GINBAWIAN KABUHI SA HOSPITAL

Patay ang isa ka bilanggo sang Escalante City Police Station samtang ginabulong sa Vicente Gustilo District Hospital syudad sang Escalante.

Ang napatay ginkilala kay Radjie Yap , 20 anyos, residente sang Yolanda Homes, Barangay Washington, sa amo nga syudad.

Suno kay PLt Col. Gil John Despi, nabilanggo si Yap sadtong February 23, 2021 matapos gindakop sa kaso frustrated homicide.

May 6, 2021, ginpa check-up sa doctor si Yap matapos nakabatyag sang stomach pain, kag  kahapon (May 7, 2021) las 9:40 sang aga gin-confine sa ospital matapos nakaangkon sang inasod asod nga pagpalanakit sang tiyan.

Las 12:45 sang hapon ini gindeklarar patay samtang ginabulong sa ospital bangod sa acute respiratory failure. | Aksyon Alvin Grava

VACCINATION KONTRA COVID-19 SA AYALA MALL NAG UMPISA NA

(Bacolod PIO Photo, May 8, 2021)

Ginkalipay ni City Administrator kag EOC Executive Director Em Ang nga nangin matawhay ang vaccination activity karon nga adlaw sa Ayala Mall.

Suno kay Ang, husto ang desisyon nga ginhimo sang EOC nga indi dapat pagtugutan nga maka pabakuna ukon akomodahon ang pila ka mga indibidwal nga wala maka pa rehistro ukon gina kabig nga mga walk in applicants.

Dugang pa ni Ang, ini na ang estratehiya nga ila paga gamiton umpisa sa masunod nga semana angut sa naga padayon nga vaccination program sang syudad.

Base sa plano sang EOC, yara lamang sa 200 ka mga indibidwal ang ila plano nga akomodahon kada adlaw para malikawan ang pag ginutok sang publiko ilabi na sa mga mall nga ila gin utilize bilang vaccination center. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.