MGA PATYO SA BACOLOD MAGA BUKAS NA UMPISA BWAS

Share on facebook
Share on google
Share on pinterest
Share on twitter
Share on print

Liwat nga magabukas ang tatlo ka public cemeteries kag mga pribado nga patyo sa syudad sang Bacolod bwas nga adlaw, Nobiembre 5.

Ini matapos nga ang mga patyo ang temporaryo nga nagsira halin Oktubre 29 tubtob Nobiembre 4 bilang precautionary measure kontra Covid-19.

Suno kay General Services Officer Jerome Solinap, nakahanda na ang mga public cemetery sa Bacolod sa liwat nga pag bukas pero iya na gina paabot nga indi na tuman kadamo ang mag bisita sa patyo bangud natapos naman ang piesta minatay.

Dugang pa ni Solinap, nagligad nga Oktubre 26, 27 kag 28, ang mga inadlaw nga madamo ang nag bisita sa mga public cemetery.

Suno kay Solinap, may isa lamang ka persona ang nagreklamo nga nadula ang pantyon sang iya himata pero ini ang nakita na.

Wala man sang kontrabando ukon iligal nga pagkabutang nga nakuha sa mga nagbisita sa patyo nagligad nga semana.

Padayon nga naga pahanumdom si Solinap sa mga naga plano pa nga mag kadto sa patyo sa masunod nga mga inadlaw nga magsunod sa mga health protocol ilabi na ang physical distancing. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.