MGA OPISYAL SANG BACOLOD GIN BISITAHAN ANG BIOLAB SA CLMMRH

Share on facebook
Share on google
Share on pinterest
Share on twitter
Share on print

Personal nga gin bisitahan ni Mayor Bing Leonardia, Vice Mayor El Cid Familiaran kag pila ka opisyal sang syudad ang Level 3 Biosafety Molecular Laboratory sa Corazon Locsin Montelibano Memorial Regional Hospital, Martes sang aga.

Ang syudad ang nag hatag sang 20 milyones pesos para sa pag establisar sang laboratoryo para sa Covid-19 testing.

Gin pahayag sang Alkalde, nga suno kay Dr. Julius Drilon, Chief of Hospital sang CLMMRH, ini ang ikatatlo nga klase sang biolab sa Pilipinas.

Gina abi-abi ni Leonardia ang mga pribado nga hospital nga nag tukod man sang ila nga laboratoryo para sa Covid-19 testing kaangay sang Bacolod Queen of Mercy Hospital nga subong nga adlaw gin inagurahan man ang pasilidad.

Suno naman kay Familiaran, na-amaze ini sa laboratoryo nga ‘very safe’ kag gin paathag man sa ila ang proseso sa pag examine sang swab specimen tubtob nga magwa ang resulta sang test.

Suno kay Familiaran, mas madasig nga maka desisyon ang mga opisyal kasunod nga madasig man ang pagwa sang mga test results.

Ang Biolab ang sarang maka proseso sang 100 ka specimen sa kada adlaw.

Gin paathag sang bise-alkalde, magahatag ang laboratoryo sang advance result sa City Health Office sa mga nagpositibo bisan wala pa ang hard copy sang result para ma isolate gilayon ang mga persona nga may close contact sa nagpositibo.

Prayoridad sang syudad nga mapaidalum sa test ang mga Locally Stranded Individuals kag OFWs nga makabig nga high risk.

Sa Biernes nga adlaw maga baton na sang swab samples ang laboratoryo kag sa Sabado nga adlaw, Hulyo 11, paga inagurahan ang pasilidad. | Aksyon Dale Salazar

MORE STORIES:

ANU ANG IMO MA KOMENTO?