MGA NEGOSYANTE SANG BULAK APEKTADO SA PAGSIRA SANG MGA PATYO SA BACOLOD

Share on facebook
Share on google
Share on pinterest
Share on twitter
Share on print

Apektado ang mga manugbaligya sang bulak sa likod sang BAYS Center sa pagsira sang mga patyo sa syudad sang Bacolod sa Oktubre 29 tubtob Nobiembre 4 base sa Executive Order No. 61 nga gin isyu ni Mayor Bing Leonardia sa tuyo nga malikawan ang paglapta sang Covid-19.

Suno kay Richard Deles, isa ka flower vendor, ikumparar nagligad nga tuig, tulutawhay sila sa karon bangud wala na sang mga naga order sang bulak para sa Nobyembre 1 kag 2.

Dugang pa ni Deles, may nagabakal na gid man sang bulak umpisa sini nga semana ugaling “arranged flowers” na nga tag 100 ka pesos ang kalabanan nga ginabakal.

May yara man sila sang balor 250 pesos nga ginalakipan na sang sari-sari nga bulak, baby’s breath kag iban pa nga desenyo.

Ang pinakadako nga bulak nga ila ginabaligya ang ginatawag nga korona nga tag 700 pesos.

Palayag ni Deles, posible nga magsaka pa ang presyo sang bulak masunod nga semana. Nahibaluan, base sa mga mando nga ginpapanaog sang National IATF kag Local Government Units, sirad-an ang sementeryo umpisa Oktubre 31 tubtob Nobyembre 2 bangud sa nagapadayon nga pandemya.

Gin pahayag ni Bacolod General Services Officer Jerome Solinap nga matawhay pa ang tatlo ka public cemetery sa syudad sang Bacolod pila ka adlaw antes ini nga sirad-an.

Suno kay Solinap, iya gina paabot nga mag amat-amat kadto ang mga puluyo para magbisita sa ila nag taliwan nga himata pagkatapos sang Nobiembre 4.

Sa karon, wala sang ano man nga insidente ukon report nga nabaton ang talatapan ni Solinap angut sa maabot nga piesta minatay.

Ang Bacolod ang may tatlo ka public cemetery sa area sang dalan Burgos, Barangay Granada kag Barangay Handumanan. | Aksyon Eden Aboso, Aksyon  Dale Salazar

MORE STORIES:

LIKE US ON FB

error: Ooops... You are not authorized to copy this content.