MGA NAKARECOVER SA COVID-19 SA SYUDAD SG BACOLOD MASOBRA NA SA ISA KA LIBO

Share on facebook
Share on google
Share on pinterest
Share on twitter
Share on print

Ginpahayag ni Bacolod City Mayor Evelio Leonardia nga may masobra isa ka libo na ang naka-recover sa COVID-19.

Sa Laging handa press briefing, ginpahayag sang alkalde nga ‘as of September 10’, ang syudad sang Bacolod may 1,054 ka recoveries kag 1,124 naman ang aktibo nga kaso.

Suno pa kay Leonardia, ang pagsaka sa kaso sang COVID-19 nag umpisa sadtong bulan sang Hulyo, ang panahon nga gintugutan ang pagpauli sang mga Locally Stranded Individuals kag Overseas Filipino Workers.

Apang kumpiyansa si Leonardia nga ang syudad sang Bacolod malampuwasan ang pandemic pareho sa syudad sang Cebu.

LALAKI NADAKPAN SA BUY-BUST OPERATION

Dakop ang isa ka lalaki matapos ang buy-bust operation sa San Juan Tunga, Barangay 5, Syudad sang San Carlos.

Gin kilala ang nadakpan kay Joemarie Layam, 26 anyos, wala sang trabaho kag nagapuyo sa amo man nga lugar.

Sa pagpanguna ni PLt Roby Aurita, Deputy of Police sang San Carlos PNP, tigayon nabaklan sang ginapatihan shabu si Layam kag nakunpiskaran sa balor 10, 200 pesos kay 400 pesos nga buy-bust money.

Priso na ang nadakpan sa custodial facility sang San Carlos PNP. | Aksyon Bryan Morden

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.