Ginpangabay sang lokal nga gobyerno sang banwa sang Binalbagan Negros Occidental, ang mga nagbisita sa haya sang nagtaliwan nga bise alkalde sang banwa nga si Sammuel Gavaran sadtong Nobyembre 14, 2020, nga magreport sa local health authorities sang ila ginaestaran nga barangay.
Sa public advisory sang Binalbagan Public Information Office, ginpahayag nga ini ang may kaangtanan sa travel history sang Covid-19 confirmed case no. 150.
Suno sa advisory, dapat nga magreport ang mga nagbisita sa haya umpisa alas 5 sang hapon tubtub alas 8 sang gab-i.
Ini agud mausisa kun sila ang naka close contact man sa Covid-patient no. 150 nga amo ang pinakaulihi nga kaso sa banwa.
Si Gavaran ang nagtaliwan sadtong Nobyembre 2 sa edad nga 57 anyos sa diin ang bangkay ang una nga ginhaya sa iya puluy-an tubtub Nobyembre 14.
Nobyembre 15 sang ini ang ginhaya naman sa lobby sang Municipal Hall. | Aksyon Marlon Genovea
