Gin pahayag ni Bacolod Acting Mayor El Cid Familiaran nga nag pasugot na ang mga naga baligya sa palibot sang Central Market nga kakason ang ila mga pwesto.
Apang suno kay Familiaran, nag pangabay ang mga ma apektuhan nga negosyante nga kon mahimo mapadayun nila ang pag baligya sa ila nga pwesto nga wala sang pemanente nga istraktura.
Si Familiaran ang nag tambong sa 2nd Mass Vigil sang Bacolod City Vendors and Entrepreneur Forum sadtong gab-i sang Setyembre 16 matapos nakabaton sang imbitasyon.
Suno kay Familiaran, base sa memorandum sang DILG, nadala ang pagpanghawan sang mga obstruction kag illegal structures sa mga sidewalk.
Suno sa Acting Mayor, natalana nga mag isyu sang notice ang city administrator sa ma apektuhan nga mga market vendors antes ipatuman ang clearing operation.
Dugang pa ni Familiaran, iya ipalambot kay Mayor Evelio Leonardia ang panawagan sang mga market vendors sa Central Market. | Aksyon Dale Salazar
