MGA NAG TINGUHA NGA MAG IMPRINTA SANG INDI OTORISADO NGA HQP, GINAPA IMBESTIGAHAN NI MAYOR BING SA KAPULISAN

Share on facebook
Share on google
Share on pinterest
Share on twitter
Share on print

Nag mando si Bacolod Mayor Evelio Leonardia kay BCPO Director Col. Henry Binas nga imbestigahan ang report nga may pila ka mga tawo nga nag tinguha nga mag imprinta sang indi otorisado nga Home Quarantine Pass ukon HQP.

Sa statement sang Alkalde, ini ang maga serbe nga paandam sa mga natungdan lakip man sa mga printing presses.

Sa nahibaluan, ang syudad sang Bacolod amo nag imprenta sang uniform nga HQP kag gin panagtag sa Barangay, nga amo ang nagahatag sa pumuluyo.

Ang pag patuman sang Odd-Even Scheme nga Home Quarantine Pass ang nag umpisa sang Setyembre 6 kag maga lawig tubtob Setyembre 19.

Ang HQP ang para sa mga tawo nga wala sang trabaho kag para sa maga bakal sang mga essential needs samtang exempted naman ang may mga trabaho.

Tuyo sang HQP system sa Bacolod nga ma limitahan ang kadamuon sang tawo nga mag gwa sa ila mga puluy-an.

Ang pag gamit sang HQP ang suspendido sa adlaw sang Domingo.

MORE STORIES:

LIKE US ON FB

error: Ooops... You are not authorized to copy this content.