MGA MAABOT NGA NEGRENSE SA PROBINSIYA MATAPOS ANG GCQ, KUHAAN SA GIHAPON SANG CONTACT

Share on facebook
Share on google
Share on pinterest
Share on twitter
Share on print

Luyag ni Negros Occidental Gobernador Bong Lacson mapasiguro nga makuhaan sang contact ang sin-o man nga Negrense returning residents, kun matapos na ang implementasyon sang General Community Quarantine umpisa Hunyo 1, 2020.

Suno sa gobernador, isa ini sa mga pamaagi agud mangin mahapos ang patigayunon nga contact tracing kun kinahanglanon.

Sumugod Hunyo 1, ginalaoman ang pagbalik byahe sang mga eroplano kag barko, kag ginaantisipar man ang pagdagsa sang mga magapauli nga pasahero.

Nagalaom si Lacson nga matuman sang Civil Aviation Authority of the Phillippines, Maritime Industry Authority, Phillippine Coast Guard kag Phillippine Ports Authority ang mga protocol sang gobyerno probinsiyal nga dapat sundon sa pagbaton sang mga persona nga nagabalik sa probinsiya.

BACOLOD MAY YARA NA LAMANG SANG 10 KA VACCINATION CENTERS

May yara na lamang sang 10 ka mga vaccination centers ang syudad sang Bacolod para sa pagbakuna sa tion nga mag abot na ang Covid-19 vaccines.

Suno kay Councilor Renecito Novero, chair sang vaccination action center team, humalin sa 22 ka proposed vaccination centers, ini ang ginpanubuan sa 10, base man sa ginkasugtan sa damlag lang pagsinapol sang Covac council.

Ginpaathag ni Novero, nagakaigo na ang pulo ka vaccination centers bangud kon pasubrahan posible indi ini masarangan sang mga healthcare personnel, resources, ukon logistics. Ang vaccination centers ang nahamtang sa strategic areas.

Sa karon, indi pa mapalayag ni Novero ang lugar bangud ginavalidate pa ini sang iya team, Bacolod City Health Office, City Engineer’s Office kag iban pa.

Ang syudad ang una na nga nagbakal sang 650,000 doses sang vaccine gikan sa AstraZeneca pero wala pa mahibaluan kon san-o ini maga-abot. | Aksyon Dale Salazar

KASO BATUK SA LIMA KA NEGRENSE ROFs, GINAPREPARAR NA

Ginapreparar na sang gobyerno probinsiyal ang kaso nga pagsupak sa health kag safety protocols kontra coronavirus disease 2019 (Covid-19), batok sa lima ka mga Negrense Returning Overseas Filipinos (ROFs) nga wala magsugid sang ensakto nga impormasyon sa pagpauli sa Negros Occidental.

Duha sa lima amo ang mag asawa nga halin sa London United Kingdom (UK) nga nagpositibo sa Covid-19 pagbalik sa ila lugar sa Antipolo Pontevedra.

Ginpahayag ni Provincial Administrator Atty. Rayfrando Diaz II, ginahulat na lamang ang kompleto nga mga dokumento halin sa Provincial Legal Office , kag resolusyon sang Sanguniang Panlalawigan nga nagahatag sang otoridad sa pagpasaka sang kaso.

May report man nga isumiter ang probinsiya sa National Inter-Agency Task Force (NIATF) agud ipabalo ang natabo nga misdeclaration sang Negrense ROFs nga nagpakilala bilang mga Locally Stranded Individuals. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.