Nagapadayon sa gihapon ang livelihood programs sang gobyerno probinsiyal para sa mga animal breeders, bisan pa may ginapangatubang nga COVID-19 pandemic ang Negros Occidental.
Sadtong Myerkules, ginpangunahan ni Governor Bong Lacson ang turnover ceremonies sa mga benepisyaryo sang breeder piglets sa Ilog, Candoni, Cauayan, Hinobaan, syudad sang Sipalay kag Kabankalan, kabahin sa Provincial Animal Genetic Improvement Program.
Suno kay Lacson, nagalaom siya nga mangin madinalag-on ang amo nga proyekto agud mabuligan ang madamo pa nga mga benepisyaryo kag mapasangkad ang food security program sa probinsiya.
Gin-inagurahan man ang Pekin Duck Multiplier Farms sa Cauayan kag Sipalay.
Suno naman kay Provincial Veterinarian Dr. Renante Decena, ini nga programa ang may katoyoan nga makaprodukto sang maayo nga livestock kag meat products.
Ginpahamtang man sa sini nga distrito ang Artificial Insemination centers and laboratories, agud makaprodukto sang mataas nga kalidad sang livestock para sa project sustainability. | Aksyon Marlon Genovea