Nagtipon ang pila ka katapo sang People’s Organization, mga mangunguma sa opisina sang Paghidaet sa Kauswagan, Development Group ukon PDG kag September 21 movement agud saulogon ang ika-57 anyos nga kaadlawan sang ginpatay nga Human Rights Lawyer nga si Atty. Benjamin Ramos Jr kahapon.
Suno kay Clarizza Ramos, ang suporta sang mga pumuluyo kag mangunguma nga nabuligan ni Atty. Ramos ang nagahatag sa iya sang kusog agud ipadayon ang mga gin umpisahan sang iya bana.
Nagapasalamat man si Clarizza sa pila ka katapo sang people’s organization nga ginserbihan ni Ramos bangod padayon ini nagabulig sa ila ilabi na sa pagpangusisa para matumod na kung sin-o ang responsable nga nagpatay sa iya bana kag mapasaka na ang kaso batok sa mga suspetsado. Handum man sang pamilya Ramos kag mga kaupdanan sini nga makilala na kag mahatag ang hustisya para sa iya bana.
Kadungan sang kaadlawan ni Ramos, ginasaulog man kahapon nga adlaw, Nobiembre 26 sang PDG ang ila ika-31 nga founding anniversary nga una na gin umpisahan ni Ramos.
