MGA EMPLEYADO SANG KABANKALAN LGU NGA NAG POSITIBO SA COVID-19 NAG SAKA SA 26

Share on facebook
Share on google
Share on pinterest
Share on twitter
Share on print

Naglab-ot sa 26 ka mga empleyado sang lokal nga gobyerno sa syudad sang Kabankalan nga ginpaidalom sa RT-PCR test ang nagpositibo sa Covid-19.

Suno kay Kabankalan Public Information Head Jake Carlyne Gonzales, ini ang resulta sa ginpatigayon nga mass testing sa mga government employees sang syudad. Dugang pa ni Gonzales, may dugang nga batch sang mga empleyado ang natalana man nga ipaidalom sa swab test sa maabot nga Huwebes Desyembre 3.

Ginpatigayon ang mass testing kasunod sa pagkapatay sang assistant city engineer bangud sa komplikasyon sa Covid-19 nagligad nga bulan.

Kalakip sa mga nagpositibo ang mga naka close contact sini , kag kaupod nga mga empleyado.

Sa karon ginaimplementar ang alternative work arrangement sa mga opisina sa city hall, agud matapna ang paglapta sang virus. | Aksyon Marlon Genovea

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

MAAKOMODAR SA BOSS NAGSAKA SA 500 KADA ADLAW

Nagsaka na sa 500 ka mga tawo ang ma akomodar sang Bacolod Permits and Licensing Office (PLO) sa nagapadayon nga Business One Stop Shop sa Ayala Malls Capitol Central.

Suno kay Stela Rose Rayos, pamuno sang PLO, nagligad nga Enero 11 sang ila ginpasakaan ang numero sang mga kliyente nga nagaproseso sang business permit humalin sa 300 pakadto sa 500.

Dugang pa ni Rayos, sa karon, wala sang mga mayor nga reklamo nga nabaton ang ila talatapan sa nagapadayon nga aktibidad.

Nagpasiguro man si Rayos nga istrikto man nga ginamonitor ang attendance sang mga Barangay sa BOSS para sa pagisyu sang Barangay Clearance.

Tinalikdan nga Biernes, may pito ka mga Barangay nga wala sang tiglawas sa BOSS.

Nagapakita man sa datus sang PLO, nga mas madamo ang nagapa appointment walk-in sa Ayala Mall kag Bacolod Government Center ikomparar sa Online.

May yara na sang 10, 750 ang narehistro nga Negosyo sa Bacolod tubtob Enero 15.

Ang BOSS ang magalawig tubtob Marso 31, 2021. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.