MGA EMPLEYADO SANG CITY ENGINEER’S OFFICE SA KABANKALAN GIN PAIDALUM SA COVID-19 TESTING

Share on facebook
Share on google
Share on pinterest
Share on twitter
Share on print

Ginpatigayon na ang mass testing sa mga empleyado sang City Engineer’s Office sa syudad sang Kabankalan, agud mahibaluan kun nalatnan man ang mga ini sang coronavirus.

Ini kasunod sa pagtaliwan sang Asst. City Engineer bangud sa virus sadtong Nobyembre 15.

Sa interview sang Aksyon Radyo Bacolod ginpahayag ni Mayor Pedro Zayco, ang testing ginpatigayon sang City Health Office (CHO) kag mahibaluan ang resulta matapos ang apat ka adlaw.

Dugang pa sang alkalde, ini nga mga empleyado ang naka home quarantine sa gihapon tubtub wala pa mahibaluan ang resulta sang mass testing.

Nagalaom si Zayco nga magnegatibo sa Covid-19 ang tanan nga resulta, agud mapabilin ang pagnubo sang mga active cases sa syudad.

“As of November 17, 2020” nga record sang CHO, 42 na lamang ang active cases, samtang pito ang mga napatay. | Aksyon Marlon Genovea

GINPASIRA NGA RESORT, NAGAPROSESO NA SANG BUSINESS PERMIT

Nagkuha na sang application form para sa Business Permit ang resort sa Barangay Pahanocoy, syudad sang Bacolod nga damlag lang ginpasira sang Bacolod Emergency Operations Center ukon EOC.

Suno kay Stela Rose Rayos, pamuno sang Permit and Licensing Office, sang Sabado nga adlaw sang nagkuha sang application form ang tag-iya sang resort kag nagpabutyag nga handa sila nga mag-comply sa mga requirement para sa business permit.

Dugang pa ni Rayos, sa tion nga ma-isyuhan na sang permit ang resort, ila pa ini iga-refer sa City Legal Office kag EOC.

Madumduman, una nga nagdepensa ang tagdumalahan sang resort nga ang gin patigayon nga blessing nagligad nga Enero 15 ang gintambungan lamang sang ila mga himata kag pamilya.

Pero sa bahin sang Bacolod EOC, ang resort ang nagpangayo sang permit sa Barangay nga magpatigayon sang blessing pero wala dire nalakip ang pagpatigayon sang foam party.

Sa nahibaluan, naglapta sa social media ang pila ka video clips sang foam party nga gin alegar nagabayolar sa minimum health standard. | Aksyon Dale Salazar

MAYOR BING GINALANTAW NGA MAPABILIN SA MGCQ ANG BACOLOD SA PEBRERO

Ginalantaw ni Bacolod Mayor Evelio Leonardia nga magapabilin sa Modified General Community Quarantine ang syudad sang Bacolod sa bulan sang Pebrero.

Suno kay Leonardia, sa karon manubo ang kaso sang Covid-19 sa syudad. Dugang pa ni Leonardia, natapos na ang Christmas season nagligad nga Disyembre kag nagalaum nga wala sang pagsaka sang Covid-19 cases pero nagpaandam si Leonardia sa publiko angut sa UK variant nga ginakabig nga mas makalalaton kag dapat magsunod sa gihapon sa health protocol kag indi magkumpyansa.

Suno sa Alkalde, wala pa sang UK variant case sa syudad kag indi dapat pagtugutan nga makasulod ini sa Bacolod.

Samtang, gin pahayag ni Cabinet Secretary Carlo Nograles, Co-Chair sang National IATF, nga may duha ka meeting ang IATF subong nga semana para talakayon ang rekomendasyon sang quarantine status sa nagkalain-lain nga lugar sa pungsod.

Suno kay Nograles, ang ila rekomendasyon itugyan sa mga LGUs para mahatagan sang tion nga mag apilar sa sulod sang 24 oras kag ginklaro nga yara sa kay Presidente Rodrigo Duterte ang pinal nga desisyon. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.