MGA ARMAS NAKUHA SA WING VAN NGA MAY KARGA NGA ESSENTIAL GOODS

Share on facebook
Share on google
Share on pinterest
Share on twitter
Share on print
(Escalante PNP Photo)

Arestado ang driver sang wing van nga may karga nga essential goods gikan Cebu matapos nakuhaan sang mga armas sa Danao Port, syudad sang Escalante kaina sang kaagahon Sabado, Agusto 29.

Ang suspek ginkilala kay Janito Chua, 43 anyos, nagapuyo sa syudad sang La Carlota.

Suno kay P/Maj. Giljohn Despi, si Chua ang ilegal nga naga-transport sang mga armas halin sa Cebu.

Dugang pa ni Despi, paagi sa check point gikan sa gintingob nga pwersa sang Philippine Coast Guard, Highways Patrol Group kag Escalante City PNP, narekober sa suspek ang (8) walo ka cal. 45 pistol nga may mga magazine.

Suno kay Despi ang wala sang may mapakia nga dokumento sang mga armas.

Nagapati si Despi nga posible gina-usar sang suspek ang delivery of essential goods apang may ilegal man nga transakyon sang mga armas.

Si Chua ang nagapangatubang karon sang kaso viol. of R.A. 10591 ukon paghupot sang ilegal nga mga armas. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.