MERKADO SANG CAUAYAN NASUNOG, KAHALITAN NAG LAB-OT SA 3.5 MILYONES KA PESOS

Share on facebook
Share on google
Share on pinterest
Share on twitter
Share on print

Gina bulubanta 3.5 milyones ka pesos nga balor sang kahalitan ang gin dulot sang sunog nga nagluntad ala una sini nga kaagahon sa merkado (Cauayan Public Market), barangay Poblacion Banwa sang Cauayan.

Sa inisyal nga pagpangusisa ni Cauayan BFP Chief, SFO1 Marlon Estimar, nagsugod ang sunog sa Garganta Magbanua Hardaware nga naglaton pa sa pila ka mga bloke nga ginapangaiyahan nanday Teresita Madrona, Jethro Molo, Thomas Garganza kag ang puloy-an ni Lucrecia Laloy.

Natupok man sang kalayo ang magagmay nga mga baligyaan nanday Dapner Madrona, Ailyn Tabujara kag ang Bakery ni Eddie Impas.

Gin pasalamatan man ni Estimar ang gilayon nga pag responder sang mga Fire Trucks gikan sa mga siudad sang Sipalay kag Kabankalan lakip na ang banwa sang Ilog nga ila gin pangayuan sang bulig bangud natabuan nga guba ang ila gina gamit nga Fire Truck sang nagluntad ang amo nga insidente.

Padayon pa ang imbestigasyon sang Arson investigator agud hibaluon ang gintunaan sang kalayo.

MORE STORIES:

LIKE US ON FB

error: Ooops... You are not authorized to copy this content.