MENOR DE EDAD, DAKOP MATAPOS NANGAWAT MOTORSIKLO

Share on facebook
Share on google
Share on pinterest
Share on twitter
Share on print

Dakop ang isa ka menor de edad matapos mag pangawat sang isa ka motorsiklo sa syudad sang Cadiz apang nadakpan ini sa Purok Kamatis, Brgy. Fabrica syudad sang Sagay la 1:15 sang hapon, Nobyembre 10.

Hungod nga wala ginngadlan ang menor de edad nga residente sang Brgy. Sewahon 1 sa amo nga syudad samtang ang tag-iya sang motorsiklo ang ginkilala naman kay Eduardo Jopanda, 26 anyos kag residente sang Sitio Canipa-an, Brgy. Banquerohan syudad sang Cadiz.

Base sa imbestigasyon sang kapulisan, may nabaton sila nga report nga may nagpangawat sang motor rason kon ngaa gilayon nga nagrespondi ang kapulisan.

Sang malapit na sila sa lugar, ila nakita kag ginparahan ang isa ka motorsiklo nga nagpareho sa gin describe sang informant.

Ginpangayuan pa sang mga dokumento ang amo nga menor de edad apang wala ini sang may ipakita sa baylo, nagdalagan ini sa katubohan para magpalagyo kuntani apang gilayon man nga nadakpan.

Sa karon ginturn over sang kapulisan sa Cadiz City Social Welfare Development para sa nagakaigo nga disposisyon. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.