MEDICAL CHIEF SANG CANLAON DISTRICT HOSPITAL GINLUTHANG-PATAY

Share on facebook
Share on google
Share on pinterest
Share on twitter
Share on print

Patay ang medical chief sang Canlaon District hospital matapos ginluthang sang tatlo ka wala makilal an nga persona alas 8:20 sang aga, Nobiembre 20 sa National highway, sang Sitio Tinangon, Barangay Basak, siudad sang Guilhulngan, Negros Oriental.

 

Ang napatay gin kilala kay Adelex Amor, legal ang pag edaron kag pomuluyo sa siudad sang Dumaguete.

 

Base sa imbestigasyon sang Guihulngan City PNP, sakay si Amor sa iya Toyota vios nga salakyan kag nag pondo ini sang makadali agud kuntani nga magpangihi.

 

Pag panaog ni Amor sa iya salakyan gin alegar nga isa sa tatlo ka mga suspetsado ang nagpalapit sa iya kag gin tiro ini sang makapila ka beses.

 

Pagkatapos sang insidente, gilayon nga nagpalagyo ang mga suspetsado sakay sa motorsiklo sa sur nga direksiyon.

 

Gin tinguhaan pa nga madala sang rescue team sa Gulihulngan District Hospital si Amor apang gin deklarar ini nga Dead on Arrival.

 

Apat ka basiyo sang kalibre 45 nga armas luthang ang narecover sa lugar sang insidente.

 

Personal nga kaugot ang ginatutukan nga anggulo sang Police angot sa insidente samtang, nag patigayon na sang Hot pursuit operation ang kapulisan sang Guihulngan sa bulig sang mga kaiping nga Municipal kag City Police Station para sa posible pag aresto sa mga suspetsado.

MORE STORIES:

ANU ANG IMO MA KOMENTO?