MBCCI: PAGLARAGWAY SANG BACOLOD NGA 'SHABULIZED' WALA SANG MALAIN NGA EPEKTO SA EKONOMIYA

Share on facebook
Share on google
Share on pinterest
Share on twitter
Share on print

Wala sang malain nga epekto sa ekonomiya sang syudad sang Bacolod ang palayag ni Bacolod City Police Office (BCPO) Deputy City Director for Operations Police Lt. Col. Jovie Espenido nga ang syudad isa ka “shabulized city” basi sa mga accomplishment sang kapulisan.

Suno kay Metro Bacolod Chamber of Commerce and Industry (MBCCI) President Frank Carbon, antis pa man magsulod ang negosyante sa isa ka lugar nagapatigayon ini sang feasibility study.

Ginatutukan sang mga negosyante ang crime volume kag indi ang paglaragway sa isa ka lugar.

Pagpahayag pa ni Carbon, kumo nakabasi sa accomplishment ang ini nga palayag ini indi direkta makaguba sa imahe sang syudad.

Nagapati sa gihapon si Carbon nga madamo pa ang magasulod nga investors sa syudad sang Bacolod sa palaabuton. | Aksyon John Diaz

MAYOR BING NAGKLARO NGA ANG 650K DOSES SANG BAKUNA ANG INDI BALOR 300M

Ginklaro ni Bacolod Mayor Evelio Leonardia nga indi 300 million pesos ang balor sang 650,000 doses sang bakuna nga ginbakal sa AstraZeneca.

Suno kay Leonardia, ang ini nga isyu ang ginausar sang iya kontra sa pulitika para mapatalang ang tawo.

Dugang pa ni Leonardia, ang 650,000 doses ang first order pa lamang.

Ginpaathag ni Leonardia nga indi niya pag mapalayag ang presyo sang bakuna bangud may yara sang confidentiality agreement.

“There are people using that to mislead, ang mga kontra ko sa politika bala.  They are trying to make it appear nga ang 300M is the budget for 650,000 doses. No. The 300M is the budget. The 650,000 doses is just our first order.  So it’s not 300M,” suno kay Leonardia.

Sa nahibaluan, ang Bacolod ang yara sa ikalima nga LGUs sa Pilipinas nga nagpain sang dako nga pondo para sa pagbakal sang bakuna kaangay sang Davao City, Quezon City, Makati City, kag Manila. | Aksyon Dale Salazar

GINPASIRA NGA RESORT, NAGAPROSESO NA SANG BUSINESS PERMIT

Nagkuha na sang application form para sa Business Permit ang resort sa Barangay Pahanocoy, syudad sang Bacolod nga damlag lang ginpasira sang Bacolod Emergency Operations Center ukon EOC.

Suno kay Stela Rose Rayos, pamuno sang Permit and Licensing Office, sang Sabado nga adlaw sang nagkuha sang application form ang tag-iya sang resort kag nagpabutyag nga handa sila nga mag-comply sa mga requirement para sa business permit.

Dugang pa ni Rayos, sa tion nga ma-isyuhan na sang permit ang resort, ila pa ini iga-refer sa City Legal Office kag EOC.

Madumduman, una nga nagdepensa ang tagdumalahan sang resort nga ang gin patigayon nga blessing nagligad nga Enero 15 ang gintambungan lamang sang ila mga himata kag pamilya.

Pero sa bahin sang Bacolod EOC, ang resort ang nagpangayo sang permit sa Barangay nga magpatigayon sang blessing pero wala dire nalakip ang pagpatigayon sang foam party.

Sa nahibaluan, naglapta sa social media ang pila ka video clips sang foam party nga gin alegar nagabayolar sa minimum health standard. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.